आज प्रदेश २ मा थप १९४ जनामा कोरोना संक्रमण पुष्टि कहाँ – कहाँ कति संक्रमित थपिए हेर्नुहोस विवरण सहित

जनकपुर।आज प्रदेश २ मा थप १९४ जनामा कोरोना संक्रमण पुष्टि भएको छ ।यो सँगै यस प्रदेशमा संक्रमितको संख्या ६ हजार ८ सय २१ पुगेको छ । आज आएको रिपोर्ट अनुसार सबैभन्दा बढी सर्लाहीमा ५४ जनामा कोरोना संक्रमण पुष्टि भएको छ ।

राष्ट्रिय जनस्वास्थ्य प्रयोगशाला काठमाडौँ, प्रादेशिक जनस्वास्थ्य प्रयोगशाला जनकपुर, प्रादेशिक जनस्वास्थ्य प्रयोगशाला बागमती र गजेन्द्र नारायण सिंह सगरमाथा अस्पतालमा गरिएको परीक्षणमा १ सय ९४ जनाको रिपोर्ट पोजेटिभ आएको स्वास्थ्य निर्देशनालय प्रदेश २ का वरिष्ठ जनस्वास्थ्य प्रशासक विजय झाले जानकारी दिए ।

सर्लाहीमा सबै भन्दा बढि ५४ जना,सर्लाही पछि पर्सामा ४८ जना, धनुषामा ३२ जना, सप्तरीमा २७ जना, महोत्तरीमा १४ जना, सिरहामा ११ जना, रौतहटमा ५ र बारामा ३ जना संक्रमित थपिएको प्रदेश २ स्वास्थ्य निर्देशनालयका जनस्वास्थ्य प्रशासक विजय झाले जानकारी दिए ।

सर्लाहीको लालबन्दी नगरपालिकामा २ जना, बसन्तपुरमा १, मलङ्गवा नगरपालिकामा १, बरहथवा नगरपालिकामा ३९ र ठाउँ नखुलेको स्थानका ११ जनामा कोरोना संक्रमण पुष्टि भएको हो ।

पर्साको वीरगंजमा २ जना, बिन्दवासिनी गाउँपालिकामा १, बिरुवा गुठी स्वास्थ्य चौकीका ३ र ठाउँ नखुलेको स्थानका ४२ जनामा कोरोना संक्रमण पुष्टि भएको हो ।

धनुषाको जनकपुरधामका ११ जना, प्रादेशिक अस्पताल जनकपुरका २ जना, आँखा अस्पतालका १, सिद्धार्थ बैँकका २, मुक्तिनाथ बैँकका १, जिल्ला अदालतका १, जिल्ला प्रहरीका १, श्रीरेश्वरनाथ नगरपालिकाका प्रमुख सहित २, लक्ष्मीनियाँ गाउँपालिकाका १, हंसपुर नगरपालिकाका १, डुमरियाका १, टिकुलियाका २, बडियाका १, जनकपुर २ घर भई हाल ललितपुर, धापाखोल वडा नं. २ का १, मथनाका १ र ठाउँ नखुलेको स्थानका ३ जनामा संक्रमण पुष्टि भएको छ ।

सप्तरीको राजविराज नगरपालिकामा २३, खडक नगरपालिकामा २, डाक्नेश्वरी नगरपालिकामा १ र विष्णुपुरमा १ जनामा संक्रमण पुष्टि भएको छ ।

त्यस्तै सिरहाको विष्णुपुर गाउँपालिकाका १, भगवानपुर गाउँपालिकाका १, लहान नगरपालिकाका १, बरियारपट्टी गाउँपालिकाका २, नवराजपुर गाउँपालिकाका १, मिर्चैया नगरपालिकाका १, एपिएफ लहानमा कार्यरत २, लहान नगरपालिकामा १ र ठाउँ नखुलेको स्थानका १ जनामा संक्रमण पुष्टि भएको छ ।

त्यस्तै रौतहटको ईशनाथ नगरपालिकाका ३ जना र ठाउँ नखुलेको स्थानका २ जनामा संक्रमण पुष्टि भएको छ भने बाराको जितपुर सिमरा उपमहानगरपालिकामा १, महागढीमाईमा १ र ठाउँ नखुलेको स्थानका १ जनामा कोरोना संक्रमण पुष्टि भएको वरिष्ठ जनस्वास्थ्य प्रशासक झाले बताए ।

पछिल्लो २४ घण्टामा ११ महिला सहित ६४ जना निको भएर आफ्नो घर फर्केका छन् । यस सँगै निको हुनेको संख्या ३ हजार ६ सय १२ पुगेको छ । आज यस प्रदेशमा वीरगंजमा ६० वर्षीय एक जनाको कोरोनाबाट मृत्यु भएको छ । मृत्यु हुनेको संख्या यस प्रदेशमा ४३ पुगेको छ ।