सप्तरी/साउन ५ गते।सप्तरीको सप्तकोशी नगरपालिका–४ स्थित चन्द्रनहर बाढीले कटान गर्दा करिब तीन सय घर डुवानमा परेको छ ।
सोमबार साँझदेखि परेको अविरल वर्षाका कारण विभिन्न सात वटा खहरे खोलामा आएको बाढीले नहरको बाँध (डिल) भत्काएर बस्तीमा पानी पसेको छ । सप्तकोसी नगरपालिकाका जुटपानी, सत्रापत्र, अमहा, ट्याङ्ग्रा लगायतका खहरे खोलामा आएको बाढीले चन्द्रनहरको दुई ठाँउमा भत्काएको स्थानीयहरुले बताएका छन।
बाढीले नहर छेउको ठूलो सिमलको रुख उखालेर दुई स्थानमा गरी करिब ५० मिटर नहर कटान गरिएको हो।नगर क्षेत्रका खहरेखोलाको बाढी ओभरफ्लो भई नहरमा खसेको र त्यसपछि नहर नै कटान गरी क्षतिग्रस्त भएको छ।
नगरप्रमुख उत्तमकुमार शर्माका अनुसार नहर फुटेर सप्तकोसी नगरपालिकाका वडा न १, २, ४ र ११ का गरी तीन सय घर डुबेका हुन् । ती घरहरुमा दुई/तीन फिटसम्म पानी जमेको र अन्य विवरण संकलन भइरहेकोले नगर प्रमुख शर्माले बताउनुभयो ।
तस्वीर-प्रतीकात्मक तस्वीर मात्र हो।
Discussion about this post