सिरहामा चोरी भएको गहना सहित एक जना प्रहरीको फन्दामा

सिरहा,असार २१ गते ।सिरहा प्रहरीले चोरी र ठगी आरोपमा दुई जनालाई पक्राउ गरेको छ । प्रहरीले चोरी आरोपमा कल्याणपुर नपा ११ का २० वर्षिय किसन साहलाई कल्याणपुर बजार सुन चाँदीका गहना सहित नियन्त्रणमा लिएको हो ।

सिरहा कल्याणपुर ८ अरङका मो. हबुद राईनको घरमा चोरी भएको भन्ने खबर प्राप्त हुना साथ ईलाका प्रहरी कार्यालय कल्याणपुर सिरहाबाट गएका प्रहरी टोलीले खोजतलासको क्रममा रातिनै साहलाई नियन्त्रणमा लिएको बताइएको छ ।

प्रहरीले उनको साथबाट कानमा लाउने सुनको झुम्का, सुनको मङटिका (सिरवन्दि) १ थान, सुनको नथिया १ थान, चाँदीको हौसली, कल्ली, पाउजु र हातमा लगाउने चुरा गरी करिव १ किलो ५सय ग्राम बरामद गरेको छ ।
चोरी गर्ने मानिस घरको छतबाट भित्र प्रवेश गरेको बताइएको छ । साहलाई थप अनुसन्धानको लागि इलाका प्रहरी कार्यालय मिर्चैइामा राखिएको छ ।

त्यसैगरी, प्रहरीले बैदेशिक रोजगारीमा पठाईदिन्छु भन्दै रकम ठगी गर्नेलाई नियन्त्रणमा लिएको छ । कल्याणपुर नपा १ का रामबाबु चमारसँग बैदेशिक रोगजारीमा दुवै पठाईदिने भन्दै ३ लाख १७ हजार ठगी गरी फरार रहेका स्थानिय ४५ वर्षिय रमेश महरालाई ईलाका प्रहरी कार्यालय कल्याणपुरले पक्राउ गरेको हो ।पक्राउ परेका महरालाई गरीवैदेशिक रोजगार विभाग काठमाण्डौंमा उपस्थित गराईएको जिल्ला प्रहरी कार्यालय सिरहाले जनाएको छ ।