प्रदेश २ को छुट्टाछुट्टै स्थानबाट लागू औषधसहित पाँचजना प्रहरीको फन्दामा

जनकपुरधाम,जेठ ८ गते।सशस्त्र प्रहरीले धनुषाको धनौजी गाउँपालिका वडा नम्वर ४ स्थित भडरियाबाट शुक्रबार लागूऔषधसहित एक जनालाई पक्राउ गरेको छ ।पक्राउ पर्नेमो जनकपुर उपमहानगरपालिका वडा नम्वर १ सिताचोक बस्ने २८ वर्षीय अमित कुमार चौधरी रहेका छन् ।उनलाई सशस्त्र प्रहरी बल नेपाल बोर्डर आउट पोष्ट ठाडिझिझाबाट खटिएको सशस्त्र प्रहरीले शंका लागि चेक जाँच गर्दा उनको साथमा निट्राभेट ट्याब्लेट ८५ वटा, स्पास्मो क्याप्सुल २९ वटा र एक्जीप्लोन ६ बोतल फेला परेको छ ।पक्राउ परेका चौधरीलाई बरामद लागूऔषधसहित आवश्यक कारवाहीको लागि नेपाल प्रहरीको जिम्मा लगाइएको छ ।

यसैगरी सशस्त्र प्रहरीले सप्तरीको राजगढ गाउँपालिका वडा नम्वर २ स्थित सीमा ईलाकाबाट बिहीबार एक युवकलाई पक्राउ गरीएको छ ।पक्राउ पर्नेमा जिल्लाको विष्णुपुर गाउँपालिका वडा नम्वर १ बस्ने २१ वर्षीय शिवशंकर यादव रहेको प्रहरीले जनाएको छ । उनको साथमा १५ वटा नाईट्रोभेट ट्याब्लेट र १ बोतल डाईलेक्स नामक लागूऔषध बरामद भएको छ ।

भारतबाट नेपालतर्फ आउँदै गरेका यादवलाई सशस्त्र प्रहरी बल नेपाल बोर्डर आउट पोष्ट बनैनियबाट खटिएको सशस्त्र प्रहरीले शंका लागि चेक जाँच गर्दा उनको साथमा उक्त लागूऔषध फेला परेको हो ।पक्राउ परेका यादवलाई बरामद लागूऔषधसहित आवश्यक कारवाहीको लागि नेपाल प्रहरीको जिम्मा लगाइएको छ ।

यस्तै प्रहरीले महोत्तरीको औरही नगरपालिका वडा नम्वर ४ कठुधार स्थित सम्सीबाट दुई जना सहित एक बालकलाई नियन्त्रणमा लिएको छ ।
सम्सीबाट माईस्थान तर्फ जाँदै गरेको ज.१० प.४९४२ नम्वरको मोटरसाईकल र ईटाटर चौकबाट ज.१२ प. ३००१ नम्वरको मोटरसाईकललाई चेक जाँच गर्ने क्रममा उनको साथबाट शुक्रबार लागुऔषध बरामद भएको हो ।

पक्राउ पर्नेमा गौशाला नगरपालिका वडा नम्वर ४ बस्ने २२ वर्षीय रबिन साह, उनका सथमा रहेको १५ वर्षीय एक बालक र बर्दिबास नगरपाकिला वडा नम्वर १२ बस्ने ३४ वर्षीय रंजन आलेलाई ईलाका प्रहरी कार्यालय गौशालाबाट खटिएको प्रहरी टोलिले उनीहरुलाई पक्राउ गरिएको हो ।उनीहरुको साथबाट निट्राभेट ट्याब्लेट ४५ वटा, स्पास्मो क्याप्सुल २४ वटा र एक्जीप्लोन ६९ बोतल फेला परेको छ ।