धनुषामा पुनः १० दिन निषेधाज्ञा थप जेठ १० गतेसम्मका लागि निषेधाज्ञा लम्बियो

जनकपुरधाम, वैशाख ३० गते ।धनुषामा निरन्तर बढ्दै गैरहेको कोरोना संक्रमणलाई मध्यनजर गर्दै पुनः १० दिन निषेधाज्ञा थप गरिएको छ ।

प्रमुख जिल्ला अधिकारी बन्धु प्रसाद बास्तोलाले एक सूचना जारी गर्दै वैशाख ३१ गते राति १२ बजेदेखि जेठ १० गते राति १२ बजेसम्मको लागि जिल्ला प्रशासन कार्यालय धनुषाले निषेधाज्ञा थप गरिएको जानकारी गराएका छन् ।कोरोनाको दोश्रो लहर सुरु भए संगै गएको वैशाख २१ गते देखि बिहान वैशाख ३१ गते राति १२ बजेसम्मको लागि जारी गरिएको निषेधाज्ञा समय भोलि राति सकिँदै छ ।

पहिलो चरणको निषेधाज्ञा सकिनु अघि पुनः प्रशासनले १० दिन निषेधाज्ञा थप गरेको हो ।निषेधाज्ञा अवधिमा अति आवश्यक बाहेक घरबाट ननिस्किन प्रशासनले आग्रह गरेको छ ।