करोना भाइरसको संङ्ख्या बढदै जादा मास्क नलगाउनेलाई जरिवाना लाग्ने : जिल्ला प्रशासन कार्यालय सिराहा

विसुन देव सरदार/लहान/ बैशाख – १० गते।हिजो बैशाख ९ गते बसेको जिल्ला कोभिड-१९ संकट व्यवस्थापन समिति सिराहा बैठकको निर्णय अनुसार मास्क नलगाई सार्वजनिक यातायात चलाउने , व्यापारी , व्यवसाय गर्ने , हिड्ने , सवारी साधन चालकलाई रु.१००/- जरिवाना लाग्ने निर्णय गरेको छ।

नेपाल सरकार मन्त्रीपरिषदको बैशाख ६ गतेको व्योहोरा अवगत भइसकेको छ। सो अनुरुप जिल्ला भर प्रभावकारी कार्यन्वयनमा ल्याएको हो ।
मास्क नलगाई हिड्ने सवारी साधन प्रयोग गर्ने वा व्यवसाय गर्ने समेतलाई संक्रमण ऐन २०२० अनुरुप रु. १००/- जरिवाना गरि तुरुन्त दाखिला गर्नुपर्ने छ।त्यसका लागि जिल्ला प्रशासन कार्यालयले रसिद तयार गरि जिल्ला प्रहरी कार्यालय र सशस्त्र प्रहरी बल नेपाल न. ७ गणलाई उपलब्ध गराउनेछ ।

यो सँगै सार्वजनिक यातायात संचालन सम्बन्धमा सिट क्षमता भन्दा बढी यात्रु नराख्ने । सबै यात्रुलाई मास्क अनिवार्य गर्ने ।सवारी साधनको ढोकामा र सवारी साधनभित्र सेनिटाईजरको व्यवस्था गर्नुपर्ने ।चालक तथा सहचालकले मास्क र भाईजर लगाउनु पर्ने । सवारी साधनलाई नियमित रुपमा निसंक्रमित गर्नुपर्ने । सार्वजनिक यातायातमा कुनै यात्रुले मास्क नलगाई आएमा चालक वा सहचालकले बढीमा रु.१० /- लिई मास्क उपलब्ध गराउनुपर्ने ।

साथै होटल तथा रेष्टुरेन्ट बिहान ८:०० बजेदेखि बेलुका ८:०० बजेसम्म देहाय बमोजिमको मापदण्ड पालना गरि सेवा दिने र सो समय पश्चयात टेकअवे र होम डिलेभरी मात्र उपलब्ध गराउनुपर्ने । होटल तथा रेष्टुरेन्टका कामदारले अनिवार्य रुपमा मास्क भाईजर र पञ्जा लगाउनुपर्ने।सेनिटाईजरको व्यवस्था गर्नुपर्ने । होटल तथा रेष्टुरेन्टलाई नियमित रुपमा निसंक्रमित गर्नुपर्ने । कम्तिमा २ मिटरको भौतिक दरी कायम गर्नुपर्ने ।सिनेमा हल , पार्टी प्यालेस , डान्स बार , जिम खाना , हेल्थ क्लब , सवीमिङ्ग पुल , फुटबल सभा , आम सभा , जुलुस , हाट बजार , रङ्गशालामा हुने दर्शक सहित खेलकुद र मानिसहरुको भिडभाड हुने अन्य सबै प्रकारका कार्यक्रम सम्वत २०७८ बैशाख मसान्तसम्म बन्दगर्ने । विद्यालय र कलेजका पुर्व निर्धारित परीक्षा सबै किसिमका प्रयोगात्मक कक्षा जनस्वास्थ्य मापदण्ड पालना गरि सञ्चालन गर्नुपर्ने । हरेक स्थानीय तहका ( गा.पा,न.पा) ले भिडभाड हुन नदिई कायम गर्ने । मास्क लगाउन साबुन पानीले हात धनु वा सेनिटाईजरको प्रयोग गर्न नागरिक जनचेतना रका लागि माईकिङ्ग गरौँ र प्रचारप्रसार गर्ने बारे बैठक द्वारा निर्णय गरिएको हो ।यो सँगसँगै कोविड-१९ को संक्रमित व्यक्तिको चेकजाँचको दर र दायरा स्थानीय तह मार्फत गराउनुपर्ने ।

नयाँ भेरिएन्ट सहितको कोविड-१९ माहामारीको दोस्रो लहरको रोकथाम तथा नियन्त्रण सम्बन्धि २०७८ को बुँदा न.२० को प्रावधान बमोजिम सिरहा जिल्लाका देहाय अस्पताललाई संक्रमितहरुको उपचारका लागि प्रदेश सरकार , प्रदेश न. २ सामाजिक विकास मन्त्रालयमा सेवा सम्झौता तथा रकम निकासा हुन सिफारिस समेत गरिएको छ।१)लहान अस्पताल , लहान २)फुलकुमारी अस्पताल कर्जन्हा ३)सिरहा अस्पताल , सिरहा ४)आर के मेडि सिटी अस्पताल , धनगडीमाई ५)सप्तऋषि अस्पताल , लहान ६)महेन्द्र गेनाई समृति अस्पताल , छपराडी।