बोदे बर्साईन नगरपालिकाले सवारीसाधन र सर्वसाधारणको आवतजावत सहज बनाउन सडकमा बिधुत बत्ति जडान

उमेश कुमार साह/सप्तरी,चैत ८ गते। सप्तरीको बोदे बर्साईन नगरपालिका वडा न ०५ मा पर्ने मुख्य बजारमा निर्माण गरिएको सडकमा नगरपालिकाले पोलमा बत्ती जडान कार्य थालिएको छ। बोदे बर्साईन नगरपालिकाले रातिको समयमा सञ्चालन हुने सवारीसाधन र सर्वसाधारणको आवतजावत सहज बनाउन सडकमा बिधुतको खम्बामा गाडेर बत्ती जडान कार्य शुरु गरेको नगरपालिकाले जनाएको छ।

पक्की सडक निर्माण भएको क्षेत्रमा सहज आवतजावत गर्न बजार क्षेत्रका मुख्य सडकमा पहिलो त्यसपछि आवश्यक अनुसार बत्ति जडान कार्य सुरुवात नै रहिरहने नगरपालिकाका नगरप्रमुख आतेश कुमारी सिंह यादवले बताए।

उनले अहिले आवश्यक अनुसार बजारको मुख्य सडक जोड्ने हुलाकी राजमार्ग र बिशनपुर स्वर्णपट्टी सडकमा आवश्यक अनुसार सडकमा बत्ती जडान गर्न थालेको नगरप्रमुख आतेश कुमार सिंह यादवले बताए। बोदे बर्साईन बजारमा पक्की सडक निर्माण भएका क्षेत्रमा क्रमिकरुपमा बत्ती जडान गरी उज्यालो नगरपालिका बनाउने लक्ष्यसाथ काम गरिने नगरप्रमुख यादवको भनाइ छ।

नगरपालिकाको लगानीमा सो कार्य गरिएको हो। पहिलो चरणमा बोदे बर्साईन स्थित श्री चन्द्रा नमुना मा बिधालय देखी दुर्गा मन्दिर हुँदै शत्रुघन चौक सम्म बत्ती जडान गरिएका छन र दोस्रो चरणमा आवश्यक अनुसार बत्ती जडानका लागि बजेट विनियोजन गरिएको छ।

बोदे बर्साईन बजार क्षेत्रमा चोरीका घटना बढ्दै गएकाले त्यसको नियन्त्रणका लागि सिसि क्यामरा पनि केही दिनमा जडान गरिने नगर प्रमुख यादवले जानकारी दिए।

सडकबत्तीको सहायताले रातिको समयमा चोरी र अन्य हिंसात्मक गतिसम्बधी न्यूनीकरण गर्नका लागि सिसी क्यामरा पनि केही दिन पछि जडान गर्ने तयारी भइरहेको नगरप्रमुख यादवले बताए।

नगरपालिकाबाट नै निगरानी राख्ने गरी हरेक दिन बजार क्षेत्रका हुने चोरी, लुटपाट, आगलागी जस्ता कार्य समयमै नियन्त्रण गरी चोरी र हिंसात्मक गतिविधिमुक्त बनाउने गरी उक्त बत्ति जडान हुने भएको नगरपालिकाले जनाएको छ।

बजारमा बत्ती जडानपछि बोदे बर्साईन नगर ब्यापार संघका सम्पुर्ण परिवारले नगरपालिका तथा नगर प्रमुख यादवलाई बधाई र जघन्य अपराधदेखि सामान्य चोरीका घटनाका दोषीलाई पक्राउ गर्न सहज हुने ईलाका प्रहरी कार्यालय बोदे बर्साईनको प्रमुख अरुण सिंहले बताए।