सलमान खानसँग काम गर्न पिके निर्देशक राजकुमार हिरानी इच्छुक

मुम्बई/भदौ १३ गते। सलमान खानसँग आगामी दिनहरूमा धेरै चलचित्रहरूको शृङ्खला छ।

उनी हाल ‘मोन्स्टर’को छायाङ्कनमा व्यस्त छन् र त्यसपछि राज तथा डीकेको सुपरहिरो चलचित्रमा काम सुरु गर्नेछन्।

यसैबीच, राजकुमार हिरानीले पनि उनीसँग सहकार्य गर्ने इच्छा देखाएका छन्। हिरानीले यसअघि शाहरुख खानसँग ‘डङ्की’ तथा आमिर खानसँग  ‘थ्री इडियट्स’ र ‘पीके’मा काम गरिसकेका छन्।

सलमानले सन् १९८८ को चलचित्र ‘बीवी हो तो ऐसी’ बाट बलिउडमा डेब्यु गरेका थिए। हालै उनले चलचित्र उद्योगमा ३८ वर्ष पूरा गरेका छन्। यसै अवसरमा हिरानीले भविष्यमा सलमानसँग सहकार्य गर्ने सङ्केत गरे।

उनले भने, ‘म सलमान खानसँग काम गर्न खुसी हुनेछु। यस्तो होइन कि हामी कहिल्यै भेटेका छैनौँ, हामी केही पटक भेटेका छौँ तर हामीले त्यस्तो कुनै पटकथा (स्क्रिप्ट) फेला पारेनौँ, जसमा सँगै काम गर्न सकिन्छ भन्ने महसुस होस्। यदि हामीले त्यस्तो केही पायौँ भने, हामी पक्कै पनि सहकार्य गर्नेछौँ।’

राजु हिरानीले ‘खान त्रिमूर्ति’ मध्येका एक आमिरसँग  ‘थ्री इडियट्स’ र ‘पीके’ गरी दुईवटा चलचित्र बनाएका छन्। यी दुवै चलचित्रले बक्स अफिस र समीक्षकहरूबाट सकारात्मक प्रतिक्रिया पाएका थिए। हाल उनीहरू ‘थ्री इडियट्स’ को सिक्वेलमा काम गरिरहेका छन्। यद्यपि, उनले दादासाहेब फाल्केको जीवनीमा आधारित चलचित्र (बायोपिक) बनाउने योजना पनि बनाएका थिए, तर उक्त परियोजना तत्कालका लागि स्थगित गरिएको छ।

हिरानीको पछिल्लो चलचित्र शाहरुख खान अभिनित ‘डङ्की’ थियो। यस चलचित्रबाट उच्च अपेक्षा राखिए पनि यसले दर्शकको मन खासै जित्न सकेन तैपनि, यसले ४०० करोड रुपैयाँभन्दा बढीको कमाइ गर्न सफल भयो। अब, तीन सुपरस्टारहरू मध्ये सलमान मात्र यस्ता कलाकार हुन्, जससँग हिरानीले अहिलेसम्म चलचित्र बनाएका छैनन्।

त्यसैले, सलमानका प्रशंसकहरू उनले साझा गरेको यस जानकारीबाट खुसी हुनेछन्। तर, उनीहरूका आगामी चलचित्रहरूको सूची हेर्दा चाहँदा पनि निकट भविष्यमा उनीहरूले सँगै काम गर्न सक्ने सम्भावना भने देखिँदैन। यद्यपि, यदि उनीहरूले सहकार्य गरे भने, ‘सामाजिक कमेडी’ विधा रोज्ने सम्भावना प्रबल छ।

सलमान अहिले वम्शी पैदिपल्लीको निर्देशनमा क्ख्ऋटघ ९जुन ःयलकतभच नामले पनि चिनिन्छ० को छायाङ्कनमा व्यस्त छन्। उनी अक्टोबरको अन्त्यसम्म यसैमा व्यस्त रहनेछन्। सन् २०२७ को जनवरीमा सलमानले राज र डीकेको सुपरहिरो चलचित्रको छायाङ्कन सुरु गर्नेछन्। साथै, उनी फरहान अख्तरद्वारा निर्मित राकेश ओमप्रकाश मेहराको ‘कर्ण’ परियोजनामा काम गर्ने चर्चा पनि छस यद्यपि, निर्माताहरूले यस सम्बन्धमा आधिकारिक रूपमा केही घोषणा गरेका छैनन्।