उमेश कुमार साह/बोदे बर्साईन,फागुन १ गते । सप्तरीको बोदे बर्साईन नगरपालिकामा युवाहरूलाई एक दिने अभिमुखिकरण तथा नगर स्तरीय युवा संजाल गठन कार्यक्रम सम्पन्न भएको छ ।यु के ए ड को आर्थिक सहयोगमा भीएसओ तथा इन्टरनेशनल अलर्टको साझेदारीमा समग्र जन उत्थान केन्द्र लहान– ६ सिरहा द्ववरा संचालित सहज परियोजना अन्तर्गत युवा कल्वहरूलाई अभिमुखिकरण कार्यक्रम बोदे बर्साईन धर्मशालामा सम्पन्न भएकोछ । उक्त कार्यक्रममा सहजिकरण समग्र जन उत्थान केन्द्रका कार्यक्रम अधिकृत रामभरोसी महतोले गर्नु भएको थियोे ।
बोदे बर्साईन नगर स्तरीय युवा संजाल समेत गठन भएको छ । नगरका १० वटै वडाका युवाहरू प्रतिनिधित्व रहने गरि अध्यक्षमा धर्मेन्द्र कुमार यादव, उपाध्यक्षमा आशा ठाकुर, सचिवमा ओम प्रकाश यादव, सहित १३ सदस्यीय समिति गठन गरिएको छ ।
समाज भित्र रहेका लैङ्गकि हानिकारक समाजिक मूल्यमान्यता तथा मौनताको संस्कृति तोडन र युवाहरूलाई संगठित गराई समाजिमा असल अभ्यासमा सहभागीहोस् उदेश्यले कार्यक्रमको आयोजना गरेको संस्थाका कार्यकारी निर्देशक देवराज पोखरेले बताए ।
उक्त कार्यक्रमा समग्र जन उत्थान कार्यक्रम अधिकृत मो.अकवर, स्थानीय सहजकर्ता ओम प्रकाश ठाकुर, स्थानीय संचारकर्मी लोकेन्द्र प्रसाद यादव समेतको उपस्थिति रहेको थियो ।
Discussion about this post