ईप्रका बोदे बर्साईनको प्रमुख अरुण सिंहको कमान्डमा खटिएको प्रहरी द्वारा १० वटा गाई/गोरु र दुई जना गोठालो नियन्त्रणमा

उमेश कुमार साह/सप्तरी,माघ २५ गते।सप्तरीको बोदे बर्साईन नगरपालिका ०५ जाजर स्थित सप्तरीको राजबिराजबाट , बोदे बर्साईन हुँदै भारततिर लाँदै गरिएका १० वटा गाई/गोरु र दुई जना गोठालो सप्तरीको कंचनपुर नपा वार्ड न ०६ बलहा बस्ने बर्ष १७ को मो. अजमुदिन र एन बस्ने बर्ष २४ को मो. फिरोज गत शनिबार अ.४ बजेको समयमा ईलाका प्रहरी कार्यालय बोदे बर्साईनको प्रमुख अरुण सिंहको कमान्डका खटिएका प्रहरीले बोदे बर्साईनको जाजर सीमा क्षेत्रबाट नियन्त्रणमा लिएको छ।

नेपालबाट गाईगोरु भारततिर लैजाँदा दुईवटा मुलुकमा सहजै बिक्री गर्ने सकिने भएकाले तस्करी गर्नेहरूले नेपालका दक्षिणी नाका रोज्न थालेको अधिकारीहरू बताउँछन्।

भारतको उत्तर प्रदेश तथा बिहार राज्यले गाईगोरु ओसारपसार तथा वध गर्न प्रतिबन्ध लगाएको छ।तर तस्करहरूले सप्तरीसँग जोडिएको पश्चिम बङ्गाल राज्यतिर तस्करी गरिरहेको प्रमाण नेपाल प्रहरीले भेटेको छ।

कुन बाटो हुन्छ तस्करी?

अहिलेसम्म सप्तरीको बोदे बर्साईन न पा, बलानबिहुल गाउँपालिका, डाक्नेश्वरी नगरपालिका तथा अन्य बोडरमा रहेको नगरपालिका र गाउँपालिकाको नाकाबाट बढी मात्रामा ओसारपसार हुन्छ। केही दिन अगाडि पनि ईलाका प्रहरी कार्यालय बोदे बर्साईनको प्रमुख अरुण सिंहको कमान्डमा बोदे बर्साईन नगरपालिका वार्ड न०५ जाजरको पोखरी नजिक ९ वटा रङगा ( पारा )नियन्त्रणमा लिइएको ईलाका प्रहरी कार्यालय बोदे बर्साईनको प्रमुख अरुण सिंहले जनाएको छ। ईलाका प्रहरी कार्यलाई बोदे बर्साईनको प्रमुख अरुण सिंहको कमान्डमा धमाधम
तस्करीहरु नियन्त्रणमा भइरहेको छ।

वैशाख महिनायता १९० वटा गाईगोरु र रङगाहरु सप्तरीबाट भारततिर लैजाँदै गरेको अवस्थामा ईलाका प्रहरी र सशस्त्र प्रहरी बलले नियन्त्रणमा लिएर भन्सार कार्यालयमा बुझाइएको जिल्ला प्रहरी कार्यालय सप्तरीका डिएसपी भुवनेश्वर साहले जानकारी दिए।

उनले भने, “अहिले गृह मन्त्रालयले पनि गाईगोरुको तस्करी नियन्त्रणका लागि कडा आदेश दिएको छ। हामीले सम्पुर्ण पोस्टमा निगरानी बढाएका छौँ।’

उत्तर प्रदेश र बिहारमा गाईगोरु तथा ओसारपसार गर्न कडाइ गरिएकाले तस्करहरूले नेपालका दक्षिणी नाका प्रयोग गर्न थालेको नेपाल प्रहरीका अधिकारीहरूको भनाइ छ। नेपालको सीमा पश्चिम बङ्गालसँग जोडिएको छ।

इलाका प्रहरी कार्यालय बोदे बर्साईन प्रमुख अरुण सिंहको अनुसार नेपालका विभिन्न स्थानबाट ल्याइएका गाईगोरु पुर्‍याइने अन्तिम गन्तव्य बाङ्ग्लादेश नै हो।

उनले भने, “नेपालका विभिन्न स्थानबाट ल्याइएका गाईगोरु तस्करी गरेर बाङ्लादेशसम्म पुर्‍याइने गरिएको भन्ने बुझिएको छ।”