धनुषा/चैत १९ गते। पत्रकार महासङ्घको ७१औँ स्थापना दिवसको अवसरलाई मध्यनजर गर्दै १२ बिघामा आयोजना भइरहेको वडा कप २०८२ क्रिकेट प्रतियोगिताको आयोजक टोली र नेपाल पत्रकार महासंघ धनुषाको टोलीबीच मैत्रीपूर्ण क्रिकेट खेल सम्पन्न भएको छ।
उक्त खेलमा आयोजक टोलीले टस जितेर पहिले ब्याटिङ गर्दै निर्धारित १२ ओभरमा ९९ रन बनाएको थियो। जवाफी ब्याटिङमा उत्रिएको नेपाल पत्रकार महासंघ धनुषाको टोलीले पनि निर्धारित १२ ओभरमा ९९ रन नै बनाएपछि खेल रोमाञ्चक रूपमा बराबरीमा टुंगिएको हो।
उक्त खेलमा आयोजक टोलीले टस जितेर पहिले ब्याटिङ गर्दै निर्धारित १२ ओभरमा ९९ रन बनाएको थियो। जसमा अम्भु प्रसाद साहले २७ रन बनाएको थियो भने अमन यादवले १९ रन बनाएको थियो। जसमा नेपाल पत्रकार महासंघ धनुषाको तर्फबाट घनश्याम मिश्रले बलिङ गर्दै ३ विकेट लिए । त्यस्तै राहुल सिंहले पनि १ विकेट लिए।
जवाफी ब्याटिङमा उत्रिएको नेपाल पत्रकार महासंघ धनुषाको टोलीले पनि निर्धारित १२ ओभरमा ८ विकेट गुमाउँदै ९९ रन नै बनाएपछि खेल रोमाञ्चक रूपमा बराबरीमा टुंगिएको हो। जसमा नेपाल पत्रकार महासंघको तर्फ बाट ब्याटिङ गर्दै कमलेश ठाकुरले ४२ रन बनाए भने राहुल सिंहले २७ रन बनाए। आयोजक तर्फ बाट बलिङ गरेका मोहन कर्णले १ विकेट र प्रेम साहले १ विकेट लिए ।
खेलमा उत्कृष्ट प्रदर्शन गर्दै नेपाल पत्रकार महासंघको टोलीका कमलेश मण्डल ‘म्यान अफ द म्याच’ घोषित भएका छन ।
आयोजक टोलीबाट अम्भु प्रसाद साह, जनकपुरधाम उपमहानगरपालिकाका मेयर मनोज साह, वडा नं.–१० का वडा अध्यक्ष मिथिलेश कर्ण, वडा नं.–९ का वडा अध्यक्ष परमेश्वर साह, अमन यादवलगायतले सहभागिता जनाएका थिए।
त्यसैगरी नेपाल पत्रकार महासंघ धनुषाको टोलीबाट पुरन साह, अवधेश कामत, कमलेश मण्डल, घनश्याम मिश्र, अजय झा, राहुल सिंह, विजय झा, राजा झा, शैलेन्द्र महतो, नवीन सिंह, विकास साह, गिरिजानन्द साह, कुलदीप दास, मोनु गुप्तालगायतको सहभागिता रहेको थियो।
मैत्रीपूर्ण खेलले नेपाल पत्रकार महासंघ र आयोजकबीच आपसी सम्बन्ध अझ प्रगाढ बनाउन सहयोग पुगेको सहभागीहरूले बताएका छन्।
Discussion about this post