यूरो पेन्टस वडा कप २०८२ अन्तर्गतको खेलमा वडा नं. १७ को दमदार जीत, वडा नं. ११ प्रतियोगिताबाट बाहिर

धनुषा/चैत १६ गते। जनकपुरधाममा जारी वडा स्तरीय यूरो पेन्टस वडा कप २०८२ क्रिकेट प्रतियोगितामा आज सम्पन्न खेलमा वडा नं. १७ ले उत्कृष्ट प्रदर्शन गर्दै वडा नं. ११ लाई ४० रनले पराजित गरेको छ। यस हारसँगै वडा नं. ११ प्रतियोगिताबाट बाहिरिएको छ भने वडा नं. १७ ले आफ्नो दाबेदारी अझ बलियो बनाएको छ।

टस जितेर पहिले ब्याटिङ गरेको वडा नं. १७ ले निर्धारित २० ओभरमा ९ विकेट गुमाउँदै १८५ रनको बलियो योगफल खडा गर्‍यो। सुरुआत केही कमजोर देखिए पनि पंकज यादवले आक्रामक ब्याटिङ गर्दै खेललाई आफ्नो पक्षमा मोडे। उनले मात्र ५८ बलमा ११६ रनको विस्फोटक शतकीय पारी खेले, जसमा १६ चौका र ५ छक्का प्रहार गरेका थिए। उनको पारी खेलकै आकर्षण बनेको थियो।

पंकजलाई प्रदीपले १६ रन बनाएर साथ दिएका थिए भने अन्य ब्याट्सम्यानहरूले खासै योगदान दिन सकेनन्। वडा नं. ११ का मुरारी र रितेशले ३–३ विकेट लिए पनि टोलीलाई जिततर्फ डोर्याउन सकेनन्। १८६ रनको लक्ष्य पछ्याएको वार्ड नं. ११ सुरुआतदेखि नै दबाबमा देखियो। टोलीका लागि रविले ६२ रनको संघर्षपूर्ण पारी खेले पनि अन्य ब्याट्सम्यान टिक्न नसक्दा पूरा टोली १८.५ ओभरमा १४५ रनमै समेटियो। बलिङतर्फ वार्ड नं. १७ का अनिकेतले उत्कृष्ट प्रदर्शन गर्दै ४ ओभरमा ५ विकेट लिएर विपक्षीलाई धराशायी बनाए। साथै प्रदीपले २ विकेट तथा बिपिन र रुपेशले समान १–१ विकेट लिए।

खेलका उत्कृष्ट खेलाडी (म्यान अफ द म्याच) पंकज यादव घोषित भए। उनलाई उद्योग बाणिज्य संघका पूर्व अध्यक्ष ललित साह तथा बजाज शोरूमका संचालक संतोष साहले ट्रफी प्रदान गरे। यस हारसँगै वडा नं. ११ प्रतियोगिताबाट बाहिरिएको छ भने वडा नं. १७ अघिल्लो चरणतर्फ मजबुत रूपमा अघि बढेको छ।

प्रतियोगितामा जम्मा १८ वटा वडाको टीम ले भाग लिएका छन् । यस वडा कपको डाइरेक्टर हरी शंकर साह,एड्मिनिस्ट्रेटर अम्भु प्रसाद साह, डेन्टल पार्टनर र को स्पोनसर गिता आस्पीरेशन प्रा.लि.देवी चोक,मेडिकल पार्टनर ओम फिजियो थेरापी,टाईटल स्पोन्सर युरो पेन्टस,मिडिया कोर्डिनेटर सजिलो पोस्ट,स्पोर्ट्स पार्ट्नर हरीस स्पोर्ट्स जोन,स्पोर्टिङ्ग क्लब श्री राजदेवी युवा कमिटी र न्यु भिजन नेपाल रहेको छ। वडा कपको संयोजक अरविन्दका अनुसार प्रतियोगिता नकआउट प्रणालीमा खेलाइदै छ भने खेलमा सेतो लेदर बल बाट भईरहेको छ । खेलका सम्पूर्ण नियमहरू अन्तर्राष्ट्रिय क्रिकेट परिषद् (ICC) का प्रचलित मापदण्डअनुसार रहेको जानकारी संयोजक प्रशान्त अरविन्दले दिएको छ।