गिरिजानन्द साह/धनुषा/फागुन १६ गते। जनकपुरधाम जेसीजको होली मिलन कार्यक्रम भव्यताको साथ सम्पन्न भएको छ । शनिबार जनकपुर जेसिजको आफ्नै सचिवालय भवनमा जनकपुर जेसीज वर्ष २०२६ को अध्यक्ष जेसी भवेश झा को अध्यक्षतामा होली मिलन कार्यक्रम सम्पन्न भएको हो ।
जनकपुरधाम जेसिज बर्ष १९९७ को अध्यक्ष युगल किशोर लालको प्रमुख आतिथ्यतामा होली मिलन समारोहमा एकआपसमा अबिर दलेर आत्मीयता साटासाट गरिएको थियो। रंग, अबिरको पर्व भनेर मानिने हालीको उत्सवमा विभिन्न संस्थाका विशिष्ट व्यक्तिहरुले एक आपसमा रंग लगाएर होली समारोह मनाएको हो । कार्यक्रमको संचालन महासचिव जेसी मनोहर ठाकुरले गरेको थियो । उक्त कार्यक्रमको कार्यक्रम संयोजक जेसी रामसोगारथ साहले गरेको थियो ।
कार्यक्रममा जनकपुरधाम जेसीजको पूर्वअध्यक्ष रमेश साह,पूर्वअध्यक्ष सुधिर पजियार,पुर्व अध्यक्ष राजु साह लगायतका पुर्व अध्यक्षहरु,जनकपुरधाम जेसीजको वर्ष २०२६ का सम्पूर्ण पदाधिकारीहरु,जनकपुरधाम जेसिज सदस्यहरु सहितको उपस्थित रहेको थियो ।
Discussion about this post