जनकपुर जेसिजले आयोजना गरेको जेसिज सप्ताहको छैठौ दिन लागुऔषध विरुद्ध सचेतनात्मक कार्यक्रम सम्पन्न

गिरिजानन्द साह/जनकपुरधाम/कार्तिक २४ गते। जनकपुर जेसिजले जनकपुरधाम स्थिति संकटमोचन माध्यमिक विद्यालयमा लागुऔषध विरुद्ध सचेतनात्मक कार्यक्रम गरेको छ । उक्त कार्यक्रमको संयोजक जेसि ओम प्रकाश साह रहेको थियो।

जनकपुर जेसिजले आयोजना गरेको जेसिज सप्ताहको छैठौ दिन आज लागुऔषध विरुद्ध सचेतनात्मक कार्यक्रम गरिएको हो । जेसिज सप्ताह २०२५ को मुल आयोजक समितिको अध्यक्ष मनोहर ठाकुरले बताए अनुसार कार्यक्रमको उद्देश्य विद्यार्थीहरूलाई लागुऔषधका हानिकारक प्रभाव र यसले युवाको भविष्यमा पार्ने नकारात्मक असरबारे जानकारी गराउनु रहेको थियो। कार्यक्रममा सहभागी विद्यार्थीहरूलाई लागुऔषधबाट टाढा रहन, स्वस्थ जीवनशैली अपनाउन र समाजमा सकारात्मक सन्देश फैलाउन आग्रह गरिएको थियो।कार्यक्रमको प्रमुख अतिथी संकटमोचन मा.वि.का प्रधानाध्यापक बलराम साह रहेको थियो। वहाँले कार्यक्रमको उदघाटन गर्दै जेसिजले आयोजना गरेको कार्यक्रमको प्रसंसा गर्दै विद्यार्थीकै भविष्य देशको भविष्य भएको र आजकल नयाँ पुस्ताका अधिकांस युवकहरुले लागुऔषधको जानी नजानिदो रुपमा प्रयोग गर्ने गरेको र यसको कारण समाजमा विभिन्न किसिमको घटना घटिरहेकोले यस्तो सचेतनात्मक कार्यक्रम आवश्यक रहेको बताए।

आजको कार्यक्रममा प्रमुख अतिथि संकटमोचन मा.वि.का प्रधानाध्यापक बलराम साह रहेको थियो भने जनकपुर जेसिज बर्ष २०२५ का अध्यक्ष जेसि मुकेश साह,पुर्व अध्यक्ष जेसि गौतम साह,जेसिज सप्ताह २०२५ का मुल संयोजक जेसि मनोहर ठाकुर,जेसि दिपक यादव,जेसि भवेश झा,जेसि अमरेन्द्र साह,जेसि ओम प्रकाश साह,जेसि सुबोध ठाकुर,जेसि राजेश कुमार ठाकुर लगायत जनकपुर जेसिजका पदाधिकारी तथा सदस्यहरु,शिक्षक र विद्यार्थीहरुको उपस्थिती रहेको थियो ।