प्रधानमन्त्री केपी शर्मा ओलीले गरेको संसद् विघटनविरूद्ध नेपाली कांग्रेस द्वारा सप्तरीको बोदे बर्साईनमा विरोध प्रदर्शन

उमेश कुमार साह,सप्तरी।गत पुष ५ गते प्रधानमन्त्री केपी शर्मा ओलीले गरेको संसद् विघटनविरूद्ध नेपाली कांग्रेसले आज (शनिबार) देशको ३३० वटै प्रदेशसभा निर्वाचन क्षेत्रमा विरोध प्रदर्शन गरेको छ ।

सोहि अनुरुप पार्टीको केन्द्रिय निर्देशन बमोजिम सप्तरीको चारवटै निर्वाचन क्षेत्रमा समेत विरोध प्रदर्शन गरिएको हो ।

नेपाली कांग्रेसले सप्तरी निर्वाचन क्षेत्र नम्बर ४ को (ख) मा क्षेत्रिय सभापति जितेन्द्र कुमार यादव, प्रमुख अतिथि भु. पु सांसद सुरेन्द्र प्रसाद यादव , बिशिस्ट अतिथि अतिथिहरुमा बोदे बर्साईन नगर सभापति राजिन्द्र मंडल , बलान बिहुल गाउँपालिकाको नगर सभापति राज कुमार यादव , बरिस्ठ नेता बिकेश्वर बिमल यादव ,कार्यक्रमको उदघोसक ईन्द्र देव यादव ,महा समिती सदस्य नारायण साह , महाअधिबेशन प्रतिनिधि रामु प्रसाद यादव , ई. धन किशोर साह समेत र अन्य युवाहरुको नेतृत्वमा विरोध प्रदर्शन गरेको छ ।

कोणसभामा बोलेका नेपाली कांग्रेसका नेताहरुले प्रधानमन्त्री ओलीले संसद विघटन गरि अधिनायकवादी र निरंकुश चरित्र प्रदर्शन गरेको आरोप लगाएका थिए । उनीहरूले प्रधानमन्त्रीको यो कदम असंवैधानिक रहेको बताउँदै संसद विघटन देश र जनताको लागि घातक सिद्ध हुने दाबी गरेका थिए ।सो कार्यक्रम सप्तरीको बलान बिहुल गाउँपालिकाको चन्ही हुँदै बोदे बर्साईन नगरपालिकाको कुश्मुहार , मानराजा सम्म मोटरसाइकल साईकल रिले बाट बिरोध प्रदर्सन गरेका छन।

प्रधानमन्त्री ओलीको यस कदमले संघीयता धरापमा परेको र यसले मुलुकलाई अस्थिरतातर्फ धकेल्ने निश्चित रहेकोले नेपाली कांग्रेस त्यसविरुद्ध आन्दोलनमा उत्रेको कांग्रेसले जनाएको छ।

नेपाली कांग्रेसले आज देशका ३३० प्रदेशसभा निर्वाचन क्षेत्र, माघ ३ गते देशभरका ७५३ वटै स्थानीय तह र माघ ८ गते देशभरक ६ हजार ७४३ वटै वडाहरुमा विरोध प्रदर्शन गर्ने बताइएको छ ।