जनकपुरधाम । जनकपुरधाम–४,१२ र २४ अन्तर्गत पापमोचनी एरिया,कटैया चौरी, सरस्वती नगर, सोनासती मन्दिर का नयाँ बस्ती क्षेत्रमा ११,००० भोल्ट क्षमताको विद्युत् लाइन तथा ट्रान्सफर्मर जडानको कार्य सुरु भएको छ।
हालसालै सो क्षेत्रमा घरहरूको सङ्ख्या तीव्र गतिमा बढेसँगै घनाबस्तीको रूप लिएको भए तापनि केवल ४०० भोल्ट क्षमताको विद्युत् आपूर्तिमा निर्भर रहँदा स्थानीयवासीहरू भोल्टेज घट–बढ, उपकरण बिग्रिने तथा विद्युत् सेवा अव्यवस्थितजस्ता समस्याबाट पीडित थिए।
स्थानीयको यो दीर्घकालीन समस्या समाधान गर्न नेपाली कांग्रेस जनकपुरधामका नगर उपसभापति तथा कार्यपालिका सदस्य राकेश विक्रम साहज्यूको सक्रिय पहलमा, माननीय विमलेन्द्र निधिज्यूको विशेष चासो तथा नगर प्रमुख मनोज साहज्यूको सहकार्यमा यो महत्वपूर्ण कार्य अघि बढाइएको हो।
उक्त कार्यान्वयनमा विशेष भूमिका निर्वाह गर्नु भएका नेपाल विद्युत् प्राधिकरण, जनकपुर क्याम्पसचोक वितरण केन्द्रका प्रमुख सुनिल महतोज्यूलाई धन्यवाद ज्ञापन गरिएको छ।
यस योजनाले सो क्षेत्रका सयौँ परिवारलाई भरपर्दो, स्थिर र सुरक्षित विद्युत् सेवा पुर्याउने अपेक्षा गरिएको छ ।
Discussion about this post