जनकपुरधाम/असार ३० गते। जनकपुरधाम उपमहानगरपालिकाले आर्थिक वर्ष २०८२/०८३ का लागि ३ अर्ब १ करोड ९ लाख ४ सय ६३ रुपैयाँको बजेट ल्याएको छ। सोमबार सम्पन्न १३औँ नगरसभाबाट प्रस्तुत गरिएको बजेट उपमहानगरको समग्र विकास र जनताको प्राथमिक आवश्यकता समेट्न केन्द्रित गरिएको बताइएको छ।
बजेट विवरणअनुसार, चालु खर्चतर्फ १ अर्ब ६० करोड ११ लाख ३८ हजार ४ सय ६३ रुपैयाँ, पुँजीगततर्फ १ अर्ब ४० करोड ८८ लाख ७१ हजार रुपैयाँ, र सामाजिक सुरक्षा भत्तातर्फ ५० करोड रुपैयाँ विनियोजन गरिएको छ।
नगरपालिकाले अघिल्लो आर्थिक वर्ष २०८१/०८२ मा चालु तर्फ ८० प्रतिशत, पुँजीगत तर्फ ८५ प्रतिशत र सामाजिक सुरक्षा भत्तातर्फ ७१ प्रतिशत वित्तीय प्रगति गरेको जनाएको छ।
यो वर्षको बजेट शिक्षा, स्वास्थ्य, रोजगारी सिर्जना, गरिबी न्युनीकरण, ग्रामीण विद्युतीकरण, हरित शहर निर्माण लगायतका योजनालाई केन्द्रमा राखेर ल्याइएको उपप्रमुख किशोरी साहले बताए । “जनताको आधारभूत आवश्यकता पूरा गर्दै दिगो र समावेशी विकासतर्फ केन्द्रित छौं” वहाले बताए।
नगरसभा बैठकमा बजेटसँगै नीति तथा कार्यक्रमसमेत प्रस्तुत गरिएको थियो, जसमा पूर्वाधार विकास, वातावरण संरक्षण, प्रविधिमैत्री सेवा र पारदर्शी प्रशासनमा जोड दिइएको छ। ५ वटा शिर्षक दिनुहोस
Discussion about this post