फागुन २६ । सिरहाको गोलबजारमा आफ्नै घरभित्र हत्या गरिएको अवस्थामा एक महिलाको शव फेला परेको छ।
सिरहाको गोलबजार नगरपालिका-६ बस्ने ३५ वर्षीया अनिता साह शनिबार (आज) बिहान करिब पौने २ बजे मृत फेला परेकी हुन्। उनी सुत्ने खाट छेउमा मृत फेला परेकी हुन्। उनका श्रीमान महेन्द्र साह अचेत अवस्थामा फेला परेको छ। गोलबजार नगरपालिका ६ का महेन्द्र कुमार साहक र अनिता कुमारी साह श्रीमान श्रीमति हुन ।
स्थानीय सिकिन्द्र साहको घर भाडामा लिएर पछिल्लो एक वर्षदेखि होटल सञ्चालन गर्दै आएको साह दम्पतीमात्र घरमा रहेको बेला धारीलो हतियारले गर्दन काटीएको र सिलौटो टाउकोमाथि बजारीएको अवस्थामा घरभित्र सुत्ने खाटनजीकै शव फेला परेको इलाका प्रहरी कार्यालय गोलबजारले जनाएको छ।
घटनाबारे प्रहरीले विभिन्न कोणबाट अनुसन्धान गरिरहेको जनाएको छ। धनुषाको लालगडबाट ल्याएको प्रहरीको तालिम प्राप्त कुकुरको सहयोगमा अनुसन्धान गरिरहेको छ। प्रहरीले उनको घर नजीकै रहेको गोठको नादीबाट खुकुरी बरामद गरेको छ।
राती अवेर अनिताको श्रीमान महेन्द्र आत्तिएर बाहिर आएको थाहापाएपछि छिमेकीले घटनाबारे जानकारी पाएका थिए। साह आत्तिएर वेहोस भएपछि छिमेकीले नै उनलाई अस्पताल पुर्याए लगतै घटनाबारे प्रहरीलाई जानकारी गराएको इलाका प्रहरी कार्यालय गोलबजारले जनाएको छ।
महेन्द्र साह यस अघि पनि आपराधीक घटनामा जेल परेको स्थानीयले बताएको छ। घटनामा श्रीमान शंकाको घेरमा रहेको वताइएको छ। उनीहरुको एक छोरी र दुई जना स–साना छोराहरु छन्। अनिताको शव पोष्टमर्टमका लागि लहान अस्पताल पुर्याइएको छ। घटनाबारे थप अनुसन्धान भइरहेको एसपी आचार्यले बताए।
Discussion about this post