हुलाकी सडकमा स्कारपियाे र मोटरसाइकल एक आपसमा ठाेकिदा दुई जनाको मृत्यु

फागुन १६ गते। हुलाकी सडक अन्तर्गत सर्लाहीको कौडेना गाउँपालिका–३ मा भारतीय स्कारपियो र मोटरसाइकल एक आपसमा ठाेकिदा दुईजनाको मृत्यु भएको छ।

मृत्युु हुनेमा मोटरसाइकलमा सवार भएका रौतहटको माधवनारायण नगरपालिका–६, बस्ने २३ वर्षीय शियानन्दन महतो र सोही ठाउँका १९ वर्षीय अजय महतो रहेका छन् । दुर्घटनामा गम्भीर घाइते भएका दुवै युवकलाई उपचारका लागि प्रादेशिक अस्पताल मलङ्गवा ल्याउँदा चिकित्सकले मृत घोषणा गरेको सर्लाही प्रहरीका सूचना अधिकारी एवं प्रहरी नायब उपरीक्षक दीपेन्द्र पञ्जियार थारुले जानकारी दिए । ​

पूर्व पश्चिम हुलाकी सडकस्थित कौडेना गाउँपालिका ३ स्थित कौडेना र मुसैलीको बिच भागमा मलङ्गवाबाट कौडेनातर्फ जाँदै गरेको भारतीय एचआर ५९ ए ०१३१ नम्बरको स्कारपियो र विपरीत दिशाबाट आउँदै गरेको भारतीय नै बीआर ०६ सी वाइ ५०८६ नम्बरको मोटरसाइकल ठोक्किएर दुर्घटना भएको हो। दुर्घटनापछि स्कारपियो प्रहरीले नियन्त्रणमा लिएको छ । स्कारपियोका चालक भने फरार भएका र उनको खोजी कार्य भइरहेको जिल्ला प्रहरी कार्यालय सर्लाहीले जनाएको छ ।