राजविराज स्थित गजेन्द्र नारायण सिंह अस्पतालको लापरवाहीको कारण नवजात शिशुको मृत्यु, कारबाही गर्न पीडित परिवारको माग

सप्तरी । राजविराज स्थित गजेन्द्र नारायण सिंह अस्पतालको लापरवाहीको कारण एक नवजात शिशुको मृत्यु भएको भन्दै न्यायको लागि अस्पतालाई गुहारेको छ ।

राजविराज नगरपालिका वार्ड नम्बर ५ निवासी पंकजकुमार सरकारको नवजात बालक शिशुको मृत्यु अस्पतालमा उपचारमा लापरवाही गरेको ठहर गर्दै न्यायको लागि बुधबार अस्पताल प्रशासनलाई निवेदन दर्ता गरेको छ । गत ३० गते अस्पतालमा पंकजको २९ वर्षीया श्रीमति मौसमी सरकारको शल्यक्रिया गरी बालक जन्मेको बताइएको छ ।

बच्चा जन्मिएको तीन दिनसम्म कुनै पनि चिकित्सक बच्चाको अवस्था बुझ्न नआएको उनले बच्चा रुने, कराउने, तर्सिने, ज्वरो आउने अवस्थाको बारेमा ड्युटीमा भएका स्वासथ्यकर्मीहरुलाई जानकारी गराउँदापनि चिकित्सकलाई नबोलाइ उल्टै हप्कीडपकी गरेको बताए ।

जन्मेको चौथो दिन बच्चा सिकिस्त भएपछि ड्युटीका नर्सहरुलाई बालविभाग चिकित्सकलाई बोलाउन धेरै अनुनय बिनय गरेपछि फोनमै चिकित्सक ललन प्रसाद रौनियारले बाहिर लान तयार हुनुहुन्छ भनेर सोधेको निवेदनमा उल्लेख गर्दै त्यसपछि डाक्टर रौनियार आएर धरान रिफर गरेकाे बताइएको छ ।

बीपी कोइराला स्वास्थ्य विज्ञान प्रतिष्ठान धरान घोपा पुगेपछि त्यहाँ चिकित्सकले जाँच गर्दै जाँदा आधा घण्टा अघि बाटोमै बच्चाको मृत्यु भएको बताएको उल्लेख छ ।

अस्पतालमा डयुटीका नर्सलाई भन्न जाँदा झरकेर जवाफ दिनु, कुरुवालाई उल्टै थर्मोमितर दिएर बच्चाको ज्वरो नाप्न पठाउनु, नर्सहरु वार्डमै सुत्नु, चिकित्सकको रेफर गर्ने मनसाय देख्नु, बच्चालाई एकपटक पनि बालविभागका चिकित्सकले भिजिट नगर्नु, फोहर हुनु जस्ता लापरवाहीले शिशु बालकको मृत्यु भएको भन्दै घटनाको छानविन गरी दोषीलाई कारबाही गरेर मृत बच्चाको पक्षमा न्यायको माग गरेको ।