सप्तरीमा खाना पकाउने क्रममा अचानक ग्यास लिक भई आगलागि हुँदा लाखौंको धनमाल जलेर नष्ट

सप्तरी/असार ३१ गते । सप्तरीमा खाना पकाउने क्रममा अचानक ग्यास लिक भई आगलागि हुँदा लाखौंको धनमाल जलेर नष्ट भएको छ । 
    
सप्तरीको बिष्णुपुर गाउापालिका १ परसाईमा शनिबार स्थानिय जयनारायण यादवको घरमा खाना पकाउने क्रममा ग्यास लिक भई आगलागि हुँदा उक्त मुल्य बराबरको धनमाल जलेर नष्ट भएको प्रहरीले जनाएको छ । 
    
प्रहरीका अनुसार आगलागिबाट जयनारायण यादवको एक तल्ले घर र घर भित्र रहेका नगद २० हजार, सुन चाँदी, लताकपडा, फर्निचर, भाडाबर्तन, अन्नपात गरि ५ लाख मुल्य बराबरको क्षति भएको हो । 
    
यस्तै सोही आगलागिका कारण छिमेकी देवनारायण यादवको घर र घर भित्र रहेको लताकपडा, फर्निचर, भाडाबर्तन, अन्नपात गरि २ लाख मुल्य बराबरको क्षति भएको जिल्ला प्रहरी कार्यालय सप्तरीले जनाएको छ । 
    
आगोलाई राजबिराज नगरपालिकाको दमकल, नेपाल प्रहरी र स्थानियको सहयोगमा नियन्त्रणमा लिइएको प्रहरी प्रवक्ता एवं डिएसपी नरेश कुमार सिंहले जनाएका छन् ।