धनुषाको जनकनन्दिनी गाउँपालिकाले ल्यायो ४७ करोड ३३ लाखको बजेट

सन्तोष साह/धनुषा/असार ११ गते । धनुषाको जनकनन्दिनी गाउँपालिकाले अगामी आर्थिक वर्ष २०८०/०८१ को लागि ४७ करोड ३३ लाख ९२ हजार १ सय बजेट सार्वजनिक गरेका छ्न।

आइतबार जनकनन्दिनी गाउँपालिकाका अध्यक्ष दिपिनदेव यादवको अध्यक्षतामा भएको १० औं गाउँसभा , नीति तथा कार्यक्रममा गाउँपालिकाकी उपाध्यक्ष कमला सहगलले आर्थिक वर्ष २०८०/०८१ को लागि ४७ करोड ३३ लाख ९२ हजार १ सय बजेट प्रस्तुत गरेकी हुन।

संघीय सरकारबाट प्राप्त वित्तिय समानीकरण अनुदानको रकम रु. ९ करोड ३८ लाख तथा संघीय सरकारबाट प्राप्त सशर्त अनुदान चालु तर्फ १४ करोड ६२ लाख र शसर्त अनुदान पुजिगत तर्फ ८९ लाख, संघबाट प्राप्त अनुमानित राजश्व वाडफाँड रकम रु. ७ करोड २८ लाख ३२ हजार १ सय, संघीय सरकारबाट प्राप्त विषेश अनुदान चालु तर्फ ५० लाख र विषेश अनुदान पुजिगत तर्फ ६५ लाख, संघीय सरकारबाट प्रापत सम्पुरक अनुदान ६५ लाख रहेको बताइन् ।

त्यसैगरी ,मधेश प्रदेश सरकारबाट प्राप्त वित्तिय समानिकरण अनुदानको रकम रु. ६६ लाख ६० हजार, प्रदेश सरकारबाट प्राप्त विशेष अनुदान रकम रु. ३० लाख एवं प्रदेश सरकारबाट प्राप्त समपुरक अनुदान रकम रु. २० लाख र आन्तरिक श्रोत तर्फ अनुमानित रकम रु.१२करोड २० लाख गरि आ.व. २०८० / ०८१ को अनुमानित वार्षिक वजेट रकम रु. ४७ करोड ३३ लाख ९२ हजार १ सयमात्र अनुमान रहेको बजेट उपाध्यक्ष सहगल्ले प्रस्तुत गरेकी थिइन ।

सशर्त अनुदान तर्फ प्राप्त भएको रकम स्वास्थ्य, शिक्षा, पशु, कृषि, महिला विकासमा खर्च गरिने छ । गाउँपालिकाको राजश्व वाडफाड तथा वित्तीय समानिकरणको चालु तर्फको खर्च रकम गाउँपालिकाको प्रशासनिक खर्च, सशक्तिकरण सीप विकास तथा लक्षित समुह विकास जस्ता कार्यक्रम खर्च, विद्यालय तथा स्वास्थ्य संस्थाको प्रशासनिक र कार्यक्रम खर्च एवं अन्य चालु प्रकृतिको बजेट समावेश गरिएको छ भने पूँजिगत खर्च तर्फको खर्च सार्वजनिक निमार्ण, फर्निचर फिक्चर, मेसिनरी औजार तथा वडा स्तरिय योजना जस्ता खर्चमा समावेश गरिएको छ ।

त्यसैगरी , प्रदेश सरकार र अन्य निकायबाट प्राप्त रकम निति निर्देशन बमोजिम खर्च गरिने तथा आन्तरिक आम्दानीको वजेट रकम कार्यालय संचालन तथा विकास निमार्ण जस्ता कार्यमा खर्च नीति तथा कार्यक्रममा उपाध्यक्ष सहगलले प्रस्तुत गरेकी हुन।

गाउँपालिकाका प्रमुख प्रशासकीय अधिकृत अयोधी दासको विशेष आतिथ्यमा सम्पन्न गाउँसभा सर्वसहमतिले भएको हो । गाउँसभाको क्रममा ६ वटै वडाका वडाध्यक्ष, वडा सदस्य, गाउँ कार्यपालिका सदस्य, कर्मचारी, ईलाका प्रहरी कार्यालय खजुरीका प्रहरी नीरिक्षक, बिओपी खजुरीका प्रहरी नीरिक्षक लगायत शिक्षक, विद्यार्थी, अधिकारकर्मी, पत्रकारहरुको सहभागिता रहेको थियो