धनुषा : चोर बनेर चोर समात्दै प्रहरी,धनुषाको विभिन्न स्थानबाट चोरी गरेको आरोपमा ७ जना प क्राउ

जनकपुरधाम/बैशाख २८ गते। धनुषाको विभिन्न स्थानबाट चोरी गरेको आरोपमा प क्राउ परेका ७ जनालाई प्रहरीले सार्वजनिक गरेको छ ।

धनुषामा चो रीको घटनामा वृद्धि भएपछि प्रहरी नै चो रको भेषमा चोरलाई समात्ने अभियान सञ्चालन गरेको छ।

धनुषाका प्रहरी उपरीक्षक विश्वराज खड्काका अनुसार जिल्लामा प्रहरी निरीक्षकको कमाण्डमा २५ जना प्रहरी खटेका छन्।

सोही क्रममा प्रहरीले जिल्लाको विभिन्न स्थानबाट चोरलाई समातेको र अहिले ३२ जना प्रहरीको नियन्त्रणमा रहेको प्रहरी उपरीक्षक खड्काले जानकारी दिए।

दिउँसाे घरमा कोही नभएको तथा ताल्चा लागेको हेर्ने गरेको र राति चोरीकाे घटना हुने गरेका छन्। उनीहरुसँगै प्रहरी घुम्ने गरेको र चोरीको समयमा प क्राउ गर्ने गरेको खड्काले बताए।

सोही क्रममा बैशाख १७ गते जनकपुरधामको संकटमोचन मन्दिरको पछाडि जिल्ला प्रहरी कार्यालयबाट खटेको प्रहरी टोलीले एम्बुसमा थापी बसिरहेको क्रममा दर्जी र खानलाई नियन्त्रणमा लिएको थियो।

बिहिबार पत्रकार सम्मेलनको आयोजना गर्दै प्रहरीले चोरी मुद्दामा पक्राउ परेका ७ जनालाई सार्वजनिक गरेको छ।
पक्राउ परेकाहरुमाथि अभद्र मुद्दामा म्याद थप गरी अनुसन्धान भइरहेको प्रहरी उपरीक्षक खड्काले बताए । उनले सामान चोरी भएपछि समानधनिले मुदा नदिएपछि उनीहरुमाथि चोरीको मुद्दा लगाउन नसकेको बताए।

प्रहरीले जनकपुरधाम १६ कपिलेश्वर बस्ने ३५ वर्षीय रंजित दास, जनकपुरधाम १७ का २१ वर्षीय संजिव राम र क्षिरेश्वरनाथ नगरपालिका ५ महेन्दनगरका २८ वर्षीय इन्दल राम, २८ वर्षीय सलामद दर्जी र २३ वर्षीय मोहम्द राजाखान, राजकुमार यादव र सोनु सहनीलाई सार्वजनिक गरेको छ।

बिहीबार मध्यान्ह १२ बजेको समयमा जनकपुरधाम उपमहानगरपालिका–१६ पुलचोकबाट वडा नम्बर–१७ बस्ने २१ वर्षीय संजिव राम र क्षिरेश्वरनाथ नगरपालिका–५ महेन्द्रनगर बस्ने बर्ष २८ वर्षीय इन्दल रामलाई प्रहरीले पक्राउ गरेको हो ।

ज १२ प ६६० नम्बरको मोटरसाइकल चोरी गरेर लगिरहेको क्रममा वडा प्रहरी कार्यालय रेल्वेबाट खटिएको प्रहरी टोलीले मोटरसाइकल र मास्टर कि दुई थानसहित उनीहरुलाई नियन्त्रणमा लिएको थियो ।

गत बैशाख १७ गते राति १ बजेको समयमा संकटमोचन मन्दिर पछाडि रहेको मान्छे नभएको घरमा जिल्ला प्रहरी कार्यालयबाट खटिएको प्रहरी टोलीले एम्बुस थापेर बसिरहेको क्रममा २८ वर्षीय सलामद दर्जी र २३ वर्षीय मोहम्मद राजा खानलाई पक्राउ गरेको थियो ।

घरको ताला फुटाई घरभित्र प्रवेश गरेर चोरी गर्ने क्रममा उनीहरूलाई घेराउ गरी नियन्त्रणमा लिइएको थियो । सो घटनामा संलग्न चोरलाई समात्न प्रहरी नै चोर बनेर उनीहरूसँग गएका थिए ।

गत बैशाख २६ गते मंगलबार राति १२ बजेको समयमा घरको ताला फोड्ने औजारसहित दुईजना पक्राउ परेका थिए ।पक्राउ पर्नेमा राजकुमार यादव र सोनु सहनी रहेका छन् । पक्राउ परेका उनीहरूको साथबाट हेक्स ब्लेड १ थान, पिलास १ थान, फलामको रिन्च ४ थान बरामद भएको थियो ।