राजविराज/चैत १५ गते । सप्तरीको विभिन्न स्थानमा भएको सवारी दुर्घटनामा परि ६ जना घाइते भएका छन् ।
पछिल्लो पटक मंगलबार जिल्लाको कंचनरुप नगरपालिका ८ बेरियरस्थित ईलाका प्रहरी कार्यालय कंचनपुर सप्तरीको कार्यालय आगाडि पुर्व पश्चिम लोकमार्गमा म्याजिकले बसलाई ठक्कर दिाद म्याजिक चालकसहित तीन जना घाइते भएका छन् ।
पश्चिमबाट पूर्वतर्फ आउदै गरेको को.१ज.२८९४ नं. को म्याजिकले बिपरित दिशातर्फ जादै गरेको को.१ख.४९९८ नं. को बसलाई ठक्कर दिदाँ दुबै सवारीमा सवार तीन जना घाइते भएका हुन् ।
घाइते हुनेमा म्याजिक चालक जिल्लाकै कंचनरुप ८ बस्ने २५ वर्षिय अशोक कुमार मण्डलको टाउँको र शरिरको विभिन्न भागमा चोट लाग्दा उनको अवस्था गम्भिर रहेको प्रहरीले जनाएको छ । यस्तै म्याजिकमा सवार स्थानिय ४० वर्षिय मुरालि पासवान र बसमा सवार सुनसरीको रामधुनि नगरपालिका २ बस्ने ७ वर्षिय आर्यान सरदार रहेका छन् ।
तीनै जनाको एमडिएस अस्पताल रुपनगरमा उपचार भईरहेको तथा बस, बस चालक र म्याजिक प्रहरीले नियन्त्रणमा लिएको छ ।
यस्तै सोमबार जिल्लाको हनुमाननगर कंकालिनि नगरपालिका ३ पोर्ताहस्थित राजमार्गमा पश्चिमबाट पुर्वतर्फ जादै गरेको प्र.१–०१–००१५प.४९२४ न. को मोटरसाइकल आफै अनियन्त्रित भई दुर्घटना हुदा मोटरसाइकल चालक घाइते भएका छन् ।
घाइते हुनेमा झापाको हरिबारि गाउँपालिका ३ बस्ने ३९ वर्षिय खगेन्द्रप्रसाद लिम्बु रहेको प्रहरीले जनाएको छ । उनको बाँया खुटामा चोट लागेकोले भारदह अस्पतालमा उपचार पश्चात थप उपचारका लागि धरान पठाइएको प्रहरीले जनाएको छ ।
यस्तै सोमबारै राजबिराज नगरपालिका २ स्थित पुर्वबाट पश्चिम तर्फ आईरहेको ना.७ख. १८४१ नं.को ट्रकले तेतरीगाछीस्थित दोबाटोमा उत्तरबाट पुर्वतर्फ मोडिने क्रममा प्र.२–०१–००३प. ८५७२ नं.को मोटरसाइकललाई ठक्कर दिँदा मोटरसाइकलमा सवार दुई जना घाइते भएका छन् ।
घाइते हुनेहरुमा मोटरसाइकल चालक सप्तरीकै विष्णुपुर १ थलही बस्ने २३ वर्षिय सरिफ मन्सुर र पछाडी सवार तिलाठि कोइलाडी ८ बस्ने २२ वर्षिय छोटु मन्सुरी रहेका छन् । दुबै जनाको छिन्नमस्ता अस्पताल राजबिराजमा उपचार भईरहेको प्रहरीले जनाएको छ । ।
Discussion about this post