विजय कुमार सिंह/ढल्केवर/चैत ११ गते । धनुषामा दुई ट्रक एकापसमा ठोक्किदा तीनजनाको मृ त्यु भएको छ । दुर्घटनामा अर्का एकजना घाईते भएका छन् ।
शनिवार बिहान पूर्वपश्चिम राजमार्ग अन्तर्गत धनुषाको मिथिला नगरपालिका–३ हरिहरपुरमा पूर्वबाट पश्चिमतर्फ आउँदै गरेको ना.६ ख ६५७८ नम्बरको ट्रक र विपरित दिशाबाट जाँदै गरेको प्रदेश १. ०१–००१ख. ९२९२ नम्बरको ट्रक एकआपसमा ठोकिएर दुर्घटना भएको प्रहरीले जनाएको छ ।
दुर्घटनामा परेर ना.६ ख ६५७८ नम्बरको ट्रकमा सवार दुईजना र प्रदेश १. ०१–००१ख. ९२९२ नम्बरको ट्रकमा सवार एकजना गरी तीनजनाको मृ त्यु भएको धनुषाका प्रहरी प्रवक्ता प्रहरी नायव उपरीक्षक वेदप्रसाद गौतमले जानकारी दिए । उनका अनुसार प्रदेश १. ०१–००१ख. ९२९२ नम्बरको ट्रकमा सवार अर्का एकजनालाई घाईते अवस्थामा उद्धार गरिएको हो । उनीहरुको पहिचान खुल्न नसकेको प्रहरी नायव उपरीक्षक गौतमले बताए ।घाइतेको ढल्केवर हस्पिटलमा उपचार भईरहेको प्रहरीले जनाएको छ ।
Discussion about this post