कोरोना संक्रमणबाट महोत्तरीको बथनाहाका एक पुरुषको मृत्यु

महोत्तरी । महोत्तरीको मनरासिसबा नगरपालिका बथनाहाका ६५ वर्षीय पुरुषको कोरोना संक्रमणबाट मृत्यु भएको छ । उनको प्रादेशिक अस्पताल जनकपुरमा उपचारको क्रममा शुक्रबार भएको हो ।

उनलाई श्वासप्रश्वासमा समस्या र ज्वरो अाएपछि उपचारको लागि गरेको भदौ १९ गते प्रादेशिक अस्पतालमा उपचारका लागि भर्ना गरिएको थियो । भेन्टिलेटरमा राखेर उपचार भइरहेका ती पुरुषको शुक्रबार बिहान मृत्यु भएको प्रदेश २ समाजिक विकास मन्त्रालयका जनस्वास्थ्य प्रशाशक विजय झाले जानकारी दिए ।ती पुरुष उच्च रक्तचापका दीर्घरोगी थिए।

उनलाई उपचारको लागि ल्याएपछि स्वाब परिक्षण गरिएको थियो ।त्यसपछि कोरोना संक्रमण पुष्टि भएको थियो । यो संगै महोत्तरीमा कोरोनाबाट मृत्युु हुनेको संख्या १२ पुगेको छ ।