मुम्बई । बलिउडमा पछिल्लो समय लागूऔषध दुव्र्यसनीको आरोप–प्रत्यारोप चर्किएको छ । अभिनेत्री कंगना रनौतले त बलिउडका अधिकांश कलाकार लागूऔषधको दुव्र्यसनी भएको आरोप लगाएकी छन् । उनले थुप्रै कलाकारलाई आफ्नो रगतमा लागूऔषध परीक्षण गरेर सुधारगृहमा जान पनि सुझाव दिएकी छन् ।
कंगनाबाट यस्तो आरोप लागेपछि आफूहरूले लागूऔषध लिने गरेको कुरा झुटो भएको प्रतिक्रिया केही कलाकारले दिएका छन् । पछिल्लो समय आत्महत्या गरेका बलिउड अभिनेता सुशान्तसिंह राजपूत पनि लागूऔषधको दुव्र्यसनी भएको खुलेपछि अभिनेत्री कंगना अहिले लागूऔषधबाट कलाकारलाई जोगाउने अभियानमा लागेकी छन् ।
यसै प्रसंगमा अभिनेत्री कंगनाले आफ्नो ट्वीटरमा लेख्दै विभिन्न अभिनेतालाई रगत दिएर लागूऔषध परीक्षण गर्न यस्तो सुझाव दिएकी छन्, ‘म रणवीर सिंह, रणवीर कपुर, अयान मुखर्जी, विकी कौशललगायतलाई ड्रग टेस्ट गर्नका लागि आफ्नो रगतको नमूना दिन अनुरोध गरूर्दछु । उनीह कोकिनको नसा गर्छन् भन्ने बजारमा हल्ला छ,’ उनले अगाडि लेखेकी छन्, ‘म चाहन्छु कि यस्तो हल्लाको भण्डाफोर होस् । यी कलाकारले यसो गरेमा लाखौं मानिसलाई उनीहरूले अझ प्रेरित गर्न सक्नेछन् ।’
यसरी बजारमा लागेको आरोपलाई परीक्षण गरेर आफूहरू लागूऔषधको सेवनकर्ता नरहेको पुष्टि गरिदिन कंगनाले अनुरोध गरेकी हुन् ।
अभिनेत्री कंगनाले त बलिउडमा ९९ प्रतिशत सुपरस्टार तथा हाई प्रोफायलहरू लागूऔषधको सेवनमा रहने गरेको बताएकी छन् । बलिउडका पार्टीहरूमा स्टार कलाकार र उनीहरूका साथीबीच लागूऔषधको खुलेर सेवन हुने गरेको पनि यी अभिनेत्रीले दाबी गरेकी छन् । उनीहरूले सस्तो नभएर निकै महँगो पर्ने लागूऔषध यस्तो पार्टीमा लिने गरेको पनि कंगनाले बताएकी छन् । एक टेलिभिजनमा अन्तर्वार्ता दिनेक्रममा कंगनाले यस्तो आरोप लगाएकी हुन् ।
यी अभिनेत्रीलाई आफू नयाँ हुँदा चिसो पेय पदार्थमा लागूऔषध मिसाएर खुवाउने कोसिस गरिएको बताएकी छन् । त्यतिबेला आफूले प्रहरीमा उजुरी दिने बताएपछि त्यस्तो कार्य फेरि नगरिएको कंगनाको कथन छ । बलिउडमा आफू स्थापित भएपछि फिल्म पार्टीहरूमा जाँदा लागूऔषध सेवन, डेब्युचरी, माफियाहरूसँगको डरलाग्दो संगत सिनेकर्मीहरूको आफूले देखेको पनि कंगनाले दाबी गरेकी छन् । लागूऔषध दुव्र्यसनी अहिले नरोके भोलि सुशान्तसिंहको बाटो अरू जोकोहीले पनि रोज्न सक्ने यी अभिनेत्रीको भनाइ रहेको खबर आजको राजधानी दैनिकले प्रकाशन गरेको छ ।
Discussion about this post