अरुण कुमार यादव/राजविराज/वैशाख ८ गते। भोली शुक्रबारदेखि सुरु हुने यस वर्षको माध्यमिक शिक्षा परीक्षा (एसइई)को सम्पूर्ण तयारी पूरा भएको छ ।
जिल्ला शिक्षा समन्वय एकाई समितिका अनुसार यही वैशाख ९ गतेबाट सुरु हुने यस वर्षको परीक्षामा सप्तरी जिल्लामा कूल ९ हजार ३१ विद्यार्थी सहभागी हुने जनाइएको छ ।
जिल्ला शिक्षा समन्वय एकाई समितिका प्रमुख बिजय कुमार मण्डलले दिएको जानकारी अनुसमार परीक्षालाई व्यवस्थित एवं मर्यादित बनाउनका लागि जिल्लामा ३५ वटा परीक्षा केन्द्र , ३५ वटा केन्द्राध्यक्ष , ६२ जना सहायक केन्द्राध्यक्ष , ४५२ जना निरीक्षक ९३ जना परीक्षा सहायक ,१८० जना कार्यालय सहयोगी सहित जनशक्ति परिचालन हुने बताइएको छ ।
उहाँले परीक्षालाई सभ्य एवं भव्य बनाउन सुरक्षाकर्मी परिचालन हुने प्रबन्ध मिलाइएको बताउनुभयो ।
यसअघि कोरोना महामारीका कारण शैक्षिक सत्र २०७६ र २०७७ मा विद्यालयले गरेको आन्तरिक मूल्याङ्कनकै आधारमा परीक्षा बोर्डले एसइईको नतिजा सार्वजनिक गरेको थियो ।
Discussion about this post