जनकपुरधाम।स्वास्थ्य निर्देशनालयका अनुसार पछिल्लो २४ घण्टामा प्रदेश २ मा थप १६५ जना कोरोना संक्रमित थपिएका छन् ।यो संगै संक्रमिसँगै कुल संख्या ९ हजार ७ सय ९५ जना पुगेको छ ।
राष्ट्रिय जनस्वास्थ्य प्रयोगशाला काठमाडौँ, प्रादेशिक जनस्वास्थ्य प्रयोगशाला जनकपुर र नारायणी उपक्षेत्रीय अस्पताल वीरगंजमा गरिएको परीक्षणमा २० महिला र १ सय ४५ पुरुषमा कोरोना संक्रमण पुष्टि भएको सामाजिक विकास मन्त्रालय प्रदेश २ का वरिष्ठ चिकित्सक डा. कमलेश प्रसाद यादवले जानकारी दिए ।
आज सबैभन्दा बढी धनुषामा ४९, सर्लाहीमा ४५, पर्सामा ३४, महोत्तरीमा २७, बारामा ९ र रौतहटमा १ संक्रमित थपिएका छन् ।
यस प्रदेशमा कोरोना संक्रमणबाट निको हुनेको संख्या ४ हजार ७ सय ३५ पुगेको छ ।आज ४ महिला र ८३ पुरुषगरी ८७ जना निको भएर आफ्नो घर फर्केका छन् । अहिले सम्ममा सबैभन्दा बढी धनुषामा ८ सय ५८ जना निको भएर आफ्नो घर फर्केका छन् ।
त्यस्तै रौतहटमा ८ सय ७, पर्सामा ७ सय ९२, सर्लाहीमा ७ सय १८, सप्तरीमा ५ सय ८१, महोत्तरीमा ४ सय ३४, सिरहामा २ सय ७१ र बारामा २ सय ६८ जना निको भएर आफ्नो घर फर्केको सामाजिक विकास मन्त्रालय प्रदेश २ ले जनाएको छ ।
यस प्रदेशमा ४ हजार ९ सय ७६ जना सक्रिय संक्रमित रहेका छन् । जसमा १ हजार ७४ जना आइसोलेशनमा रहेका छन् भने ३ हजार ९ सय २ जना होम आइसोलेशनमा रहेका छन् ।
हेर्नुहोस डिटेल
Discussion about this post