अरुण कुमार यादव/सप्तरी/चैत्र १४ गते। सप्तरीमा जारी राजविराज मेयरकप सप्तरी प्रिमियर लिग क्रिकेट प्रतियोगिताको फाईनलमा राजविराज द किंग प्रवेश गरेको छ ।
राजविराजस्थित राजरंगशालामा आज सम्पन्न खेलमा बजाज खडक वारियर्सलाईलाई ६ विकेटले पराजित गर्दै राजविराज द किंग फाईनल प्रबेश गरेको हो ।
फाइनल पुग्ने दोश्रो टिम भोली मंगलबार तिलाठी कोइलाडी र राजविराज ब्रदर्श बीचको खेल्ले छ । उक्त खेलमा तिलाठी कोइलाडी विजयी भए फाइनल प्रवेश गर्नेछ भने पराजित भएको खण्डमा अंकतालिकाको हाल दोश्रो स्थानमा रहेको टिभीएस किंग्स राजविराज फाइनल पुग्नेछ ।
हारपछि बजाज खडक वारियर्स र राजविराज ब्रदर्शको फाइनल पुग्ने सम्भावना समाप्त भएको छ । आज सम्पन्न पहिलो खेलमा तिलाठी कोइलाडी जायन्ट्सले टिभीएस किंग्स राजविराजलाई ५० रनले पराजित गरेका छन ।
जायन्ट्सले दिएको १९२ रनको लक्ष्य पछ्याउने क्रममा किंग्सले २० ओभरमा ९ विकेट क्षेतीमा १४१ रन मात्र बनायो । टिभीएस किंग्स राजविराजका ओपनर रोहन विकले आक्रामक ब्याटिंग गर्दै ८२ रन बनाएता पनि अन्य ब्याट्सम्यानले साथ दिन नसक्दा हार ब्यहरनुपरेको छ ।
यु–१६ राष्ट्रिय क्रिकेटर रहीसकेका विकले ५४ बलमा ११ चौका र ४ छक्का प्रहार गरेका छन । अर्का ओपनर शेख इमरानले २३ रन बनाउनु बाहेक अन्य ब्याट्सम्यानले दोहोरो अंकमा रन बनाउन सकेनन् । कप्तान महबुब आलमले ४ रन मात्र बनाउन सकेको छ ।
प्लेयर अफ द म्याच समेत चुनिएका तिलाठी कोइलाडीका सुनिल धमलाले ४ विकेट लिएका छन । योगेन्ऽ सिंह कार्कीले ३ तथा रोहण विश्वकर्माले २ विकेट लिएको जनाइएको छ । टस जितेर ब्याटिंग रोजेको तिलाठी कोइलाडीले २० ओभरमा ४ विकेटको क्षतिमा १९१ रन मात्र बनाउन सकिएको थियो ।
तिलाठी कोइलाडीको ब्याटिंगमा राष्ट्रिय क्रिकेटर समेत रहेका ओपनर सुनिल धमलाले ७२ रन बनाए जुन क्रममा उनले ४२ बलमा ८ चौका र ४ छक्का प्रहार गरे। यस्तै रोहन विश्वकर्माले अविजित ४० रन, योगेन्ऽ सिंह कार्कीले ३० रन तथा भुवन कार्कीले २४ रन बनाएका छन । टिभीएस किंग्स राजविराजका बलर महबुब आंले २ तथा बिशाल सुश्लिंग र शेख इमरानले १र१ विकेट लिएको छ ।
त्यस्तै आजैसम्पन्न दोश्रो खेलमा राजविराज द किंगले डिफेन्डिङ च्याम्पियन बजाज खडक वारियर्सलाई ६ विकेटले पराजित गर्दै फाइनलमा स्थान पक्का गरेको छ । वारियर्सले दिएको १२३ रनको लक्ष्य द किंगले १६।१ ओभरमा ४ विकेट क्षेतीमा भेटायो।
राजविराज द किंगको ब्याटिंगमा ओपनर शंकर रानाले सर्वाधिक ७४ रन योगदान दिए जुन क्रममा प्लेयर अफ द म्याच चुनिएका उनले ५३ बलमा ६ चौका र ६ छक्का प्रहार गरे । सन्तोष कार्कीले १९ रन बनाए। वारियर्सका बलर सर्वन यादव, अरनिको यादव, मुकुन्द यादव र सिद्धान्त लोहनीले १र१ विकेट लिए ।
यस अघि टस जितेर ब्याटिंग गरेको बजाज खडक वारियर्सले २० ओभरमा सबै विकेट गुमाएर १२२ रन बनाएको थियो ।
वारियर्सको ब्याटिंगमा राज वर्माले सर्वाधिक २५ रोबिन सिंहले २० तथा सर्वन यादवले १९ रन योगदान दिए । राजविराज द किंगका बलर रुपेश कुमार सिंहले सर्वाधिक ३ विकेट, अनिल यादव र फिर्दोश अन्सारीले २र२ विकेट तथा रोहित कुमार सिंह र नन्दन यादवले १र१ विकेट लिए ।
प्रतियोगिताको लिग चरणको अन्तिम खेलमा मंगलबार राजविराज ब्रदर्श र तिलाठी कोइलाडी जायन्ट्स बीच प्रतिस्पर्धा हुनेछ ।
पााच टिम सहभागी प्रतियोगिताको लिग चरणमा सबै टिमले एकअर्का बिरुद्ध १र१ खेल खेलेपछि उत्कृस्ट हुने दुई टिम फाइनल प्रवेश गर्नेछन् ।
Discussion about this post