भन्सार छल्न मलद्वारमा लुकाएर ल्याएको सुनसहित २ भारतीय नागरिक प क्राउ

काठमाडौं । त्रिभुवन अन्तर्राष्ट्रिय विमानस्थलबाट भन्सार छलेर नेपाल भित्र्याउन खोजेको सुनजस्तै देखिने पहेँलो धातुसहित दुई भारतीय नागरिक प क्राउ परेका छन् ।

दुबईबाट काठमाडौं आएका उनीहरु प क्राउ परेका छन् । नेपाल एयरलाइन्सको उडान नम्बर आरए २३० बाट काठमाडौं आएका ३१ वर्षीय सथम हुसेन र ३६ वर्षीय कादर इब्राहिम पक्राउ परेको त्रिभुवन विमानस्थल प्रहरीले जनाएको छ ।

हुसेनको गतिविधिमा शंका लागेपछि उनलाई आगमन पार्किङ एरियाबाट प्रहरीले नियन्त्रणमा लिएर परीक्षणको लागि काठमाडौं मेडिकल कलेज सिनामंगल पुर्याइएको थियो ।

विमानस्थल प्रहरीका अनुसार विमानस्थलको अन्तर्राष्ट्रिय उडानतर्फको आगमन पार्किङ एरियाबाट नियन्त्रणमा लिई परिक्षणको लागि काठमाडौं मेडिकल कलेज सिनामंगल, काठमाडौंमा लैजादै गर्दा उनको मलद्वारबाट कालो रङको चिल्लो रबर जस्तो देखीने पदार्थले बेरेको अबस्थामा ५ अर्ध ठोस पदार्थ फेला परेको हो ।

उनको बयानको आधारमा भारतीय आधार कार्ड नम्बर कार्ड नम्बर 2257 9141 1095 भएका बर्ष ३५ का कादर इब्राहिमलाई पनि नियन्त्रणमा लिइएको प्रहरीले जनाएको छ ।