सिरहाका एक पाँच वर्षीया बालिकालाई यौ न शो षण गर्ने उपप्रध्यापक जनकपुर बाट पक्राउ

जनकपुरधाम/कार्तिक ७ गते।पाँच वर्षीया बालिकालाई यौ न शोषण गरेको आरोपमा हजारी जनक संस्कृत विद्यापीठ जनकपुरधाम उपमहानगरपालिका–८ उपप्रध्यापक कपिलदेव मण्डल पक्राउ परेका छन् ।

बालिकालाई यौ न शोषण गरेको आरोपमा मण्डललाई शुक्रबार प्रहरीले पक्राउ गरेको हो । जउनपा–८ स्थित मण्डलको घरमा डेरा लिई बस्दै आएका सिरहा जिल्ला नरहा गापा–३ का एक ब्यक्तिको पाँच वर्षीया छोरीसंग गएको डेढ महिनादेखि मण्डलले यौ न शोषण गर्दै आएको तथ्य खुलेको छ ।

गणेश पूजाको मौका छोपी उपप्रध्यापक मण्डलले आफ्नो छोरीको यौ न शोषण गरेको पीडितका बुवाले बताए । उनका अनुसार पटक पटक उनले छोरीलाई यौ न शोषण गरेको छ । बालिका खेलिरहेको बेला उनीसंग यौ न शोषण गर्दै आएपनि छोरीको यौ नांङ मा घाउ भएपछि आफुले जानकारी पाएको पीडितका बुवाले बताए ।

आर्थिक रुपमा विपन्न ब्यक्तिले न्यायको लागि प्रहरी समक्ष गुहार्दै आएका छन् । तर सुनुवाई नभएको उनको गुनासो छ । यसैबीच घटना सार्वजनिक भएपछि मण्डललाई प्रहरीले पक्राउ गरी अनुसन्धान अगाडि बढाएको जिल्ला प्रहरी कार्यालय धनुषाका सूचना अधिकारी जितेन्द्र बस्नेतले बताए । जाहेरी दिएपछि कारवाही प्रक्रिया अगाडि बढाउने उनले थपे । पीडितले घटना मिलाउन रकमको प्रलोभन दिएको आरोप लगाए । उपप्रध्यापक मण्डलले आफन्तहरु मार्फत आर्थिक प्रलोभन दिएको उनले बताए ।

स्थानीय बाल्मिकी युवा क्लवले पीडितलाई दुई लाख लिएर घटना मिलापत्र गर्न दबाब दिएको पंचायतीमा सहभागी एक स्थानीयले बताए । घटना मिलाउन मण्डलका आफन्तहरुले धम्की समेत दिएको पीडितका बुवाले बताए । प्रादेशिक अस्पताल जनकपुरधाममा शुक्रबार पीडित बालिकाको मेडिकल चेकजाँच गरिएको छ । मेडिकल रिपोर्ट आएपछि कारबाही प्रक्रिया अघि बढाउने जिल्ला प्रहरी कार्यालयका सूचना अधिकारी बस्नेतले बताए ।

साभार-जनकपुर टुडे बाट