अरुण कुमार यादव/सप्तरी/असोज २० गते। समयमा सडक बाटो नबनाएको भन्दै राजविराजका सर्वसाधारणहरुले हुलाकी राजमार्ग अवरुद्ध गरेका छन् ।
हुलाकी सडकमा खाल्डाखुल्डीमा जमेको पानीले हिडडुल गर्न निकै समस्या भइरहेको उनीहरुको आक्रोश छ ।आक्रोशित स्थानीयले हुलाकी सडक खण्ड अन्र्तगत राजविराज नगरपालिका वडा नम्बर ६ स्थित सडकमै सवारी रोकेर सडक अवरुद्ध गरेका हुन।सडक व्यवस्थित हुनुपर्ने र नालाको पानी निकास हुनुपर्ने लगायत उनीहरुले माग राखेका छन् ।
हलका वर्षा भएपछि सडक पोखरी जस्तै भएका कारण आवतजावतमा समस्या भएको भन्दै उनीहरुले सडक अवरुद्ध गरिएको स्थानियबासीले जनाएको छ।
हुलाकि सडकमा रहेका खाल्डाखुल्डीका कारण सर्वसाधारणलाई घर बाहिर हिडडुल गर्न पनि कठिनाइ भइरहेको देखिएको छ ।केही घण्टा अबरुद्ध गरेको सडक व्यवस्थित गर्नेतर्फ सडक निर्माणको ठेक्का पाएका कम्पनी वा नगरपालिकाले चासो नदिएको नगरबासीको गुनासो छ।बाध्य भएर सडक अवरुद्ध गर्नु परेको उनीहरुको कथन छ ।
Discussion about this post