सप्तरीमा पोखरीमा डुवेर तीन बालिकासहित चार जनाको ज्यान गयो

अरुण कुमार यादव/सप्तरी/असोज ६ गते।सप्तरीमा दुई दिनको अवधिमा छुटा छुटै स्थानमा डुवेर तीन बालिका सहित चार जनाको ज्यान गएको छ ।

पछिलो बुधबार सप्तरीको महदेवा गाउँपालिका २अकबरपुरको पोखरीमा डुवेर एक बालिकाको ज्यान गएको छ।स्थानिय रामचरित्र मंडलको ५ बर्षीय छोरी सिवानी मंडल घर नजिकै रहेको पोखरीमा डुवेर ज्यान गएको प्रहरीले जनाएको छ ।

यस्तै जिल्लाको तिलाठी कोईलाडी गाउँपालिका वडा नं.२ लौनियास्थित नहरमा डुवेर स्थानिय भतो मंसुरीको १२ बर्षीय छोरी सबना खातुनको ज्यान गएको छ।नहरमा कपडा धुने क्रममा उनी पानीमा डुबेका थिए ।

सप्तरीको खडक नगरपालिका ८ मुसहरनिया बस्ने राजेश कुमार चौधरीको अन्दाजी ३ बर्षिया छोरी एलिजा कुमारी चौधरीको समेत आफ्नै घर नजिक पोखरीमा डुवेर ज्यान गएको छ।निजको आफ्नै काका राम कुमार चौधरीले पोखरीमा डुवेको देखेपछि स्थानियको सहयोगमा उपचारको लागी सप्तऋषी अस्पताल लहान तर्फ लैजादा गर्दा बाटैमा उनको ज्यान गएको प्रहरीले जनाएको छ ।

त्यस्तै सप्तरीकै महादेवा गाउँपालिका ४ परसाही टोलमा सार्वजनिक पोखरीमा डुवेर स्थानिय अमृत सदाको ३० बर्षीया (अविबाहित) छोरी लक्षन कुमारी सदाको ज्यान गएको छ।
पोखरीमा भाँडा मस्काउन जाँदा छारे रोग भई पानी देखि अचानक लडेपछि उनी डुवेका थिए ।

श व परिक्षणका लागि राजविराजस्थित गजेन्द्र नारायण सिँह अस्पतालमा राखिएको र घटना बारे अनुसन्धान भइरहेको जिल्ला प्रहरी कार्यालयले जनाएको छ ।