धनुषामा दुई वटा मोटरसाइकल एकापसमा ठोक्किँदा सिरहाको एक युवकको ज्यान गयो

जनकपुरधाम/असोज १ गते।धनुषामा दुई वटा मोटरसाइकल एकापसमा ठोक्किँदा एक जनाको ज्यान गएको छ । अर्का एकजना  घाइते भएका छन् ।

आज(शुक्रबार)बिहान पूर्व-पश्चिम राजमार्ग अन्तर्गत धनुषाको मिथिला नगरपालिका–६ ढल्केवरमा पूर्वबाट पश्चिमतर्फ आउँदै गरेको लु. ७२ प. ४७९२ नम्बरको मोटरसाइकल र विपरित दिशाबाट जाँदै गरेको स. ४ प. ७९२६ नम्बरको मोटरसाइकल एकआपसमा ठोक्किँदा सो दुर्घटना भएको हो । 

दुर्घटनामा परेर स. ४ प. ५९२६ नम्बरको मोटरसाईकल चालक सिरहाको विष्णुपुर गाउँपालिका नरहाका अन्दाजी ३० वर्षिय रुपेश यादवको घटनास्थलमै ज्यान गएको इलाका प्रहरी कार्यालय ढल्केवरका प्रहरी निरिक्षक प्रदीप सुवेदीले जानकारी दिए ।

उनको घटनास्थलमै ज्यान गएको इलाका प्रहरी कार्यालय ढल्केवरका प्रहरी निरीक्षक प्रदीप सुवेदीले जानकारी दिए ।उनका अनुसार लु. ७२ प. ४७९२ नम्बरको मोटरसाईकल चालक धनुषाको गणेशमान चारनाथ नगरपालिका–६ बस्ने ४६ बर्षिय मोहम्मद हासिम घाइते भएका छन् । घाइतेको उपचार स्थानीय स्वास्थ्य केन्द्रमा भइरहेको र उनको अवस्था सामान्य रहेको प्रहरी निरिक्षक सुवेदीले जनाए ।

मृतकको श’व पोस्टमार्टमका लागि जनकपुरस्थित प्रादेशिक अस्पताल पठाइएको र घटना विषयमा थप अनुसन्धान गरिरहेको इलाका प्रहरी कार्यालय ढल्केवरले जनाएको छ।