सर्लाहीमा टिपरको ठक्करबाट एक साइकल यात्रीको ज्यान गयो

जनकपुरधाम/श्रावण २९ गते।टिपरको ठक्करबाट साइकल यात्रीको ज्यान गएपछि पूर्व-पश्चिम राजमार्ग अन्तर्गत सर्लाहीको नवलपुर बजार क्षेत्र साढे २ घण्टादेखि त नाव ग्रस्त बनेको छ।

दुर्घटना लगतै आ क्रो शि त स्थानीयले टिपरलाई नियन्त्रणमा लिएर तोडफोड एवं आ ग ज नीको प्रयास गरेपछि प्रहरीले बल प्रयोग गर्दा दुई तर्फी झडप भएर नवलपुर बजार क्षेत्र त ना व ग्रस्त बनेको हो। प्रहरीले भिड तितर वितर पार्न ४ राउण्ड अश्रु ग्यास समेत प्रहार गरेको जिल्ला प्रहरी कार्यालय मलंगवाका निमित्त प्रवक्ता प्रहरी निरीक्षक कृष्ण गिरीले जानकारी दिए।

जिल्ला ट्राफिक प्रहरी कार्यालय सर्लाहीका अनुसार शुक्रवार दिउँसो साढे २ बजे पूर्वबाट पश्चिमतर्फ आइरहेको ना ७ ख ८२९३ नम्बरको टिपरले सोही दिशाबाट साइकलमा घाँस बोकेर आइरहेका स्थानीय रामनरेश महतोलाई ठक्कर दिएको थियो। टिपरको ठक्करबाट लालबन्दी नगरपालिका-२ निवासी ४० वर्षीय महतोको घटनास्थलमै ज्यान गएको जिल्ला ट्राफिक प्रहरी कार्यालयले जनाएको छ।

महतोको साइकलको पछाडि रहेको घाँसमा टिपर ठोक्किदा महतो अनियन्त्रित भई राजमार्गमा लडेको र टिपरको पछाडिको चक्काले उनलाई किचेको जिल्ला ट्राफिक प्रहरी कार्यालय सर्लाहीले जानकारी दिएको छ। मृतक महतोको श व अहिले पनि राजमार्गमै रहेको छ।