श्रीमती माथी ए सिड प्र हा र गर्ने श्रीमान् दोषी ठहर, एसिड उपलब्ध गराउनेलाई सफाई

जनकपुरधाम/श्रावण २५ गते।धनुषाकी आरती साहमाथि घरायसी विवादको क्रममा ए सिड प्र हा र गर्ने उनकै श्रीमानलाई जिल्ला अदालत धनुषाले दोषी ठहर गरेको छ। जनकपुरधाम ७ की आरती साहमाथि उनको श्रीमान सञ्जीव साहले ए सिड प्र हा र गरेको भन्दै जिल्ला अदालतले दोषी ठहर गरेको छ भने ए सिड बिक्री गर्ने नागेन्द्र साहलाई भने सफाइ दिएको छ। 

सोमबार जिल्ला अदालत धनुषा ३ नम्बर इजलासमा न्यायाधीश कृष्णमुरारी शिवाकोटीको एकल इजलासले सञ्जीव साहलाई दोषी ठहर गरेको हो। आदालतले एसिड बिक्री गर्ने नागेन्द्र साहलाई भने सफाई दिएको जिल्ला अदालत धनुषाका सूचना अधिकारी गंगा कुमार मिश्रले जानकारी दिए। अदालतले सञ्जीवलाई दोषी ठहर गर्दै कसुरअनुसारको सजाय निर्धारणका लागि पेश गर्न आदेश दिएको छ। अब एक हप्ताभित्रै सजाय निर्धारण हुने बताइएको छ ।

गत वर्ष कात्तिक १९ गते दीपावलीकै दिन जनकपुरधाम उपमहानगर ७ स्थित डेरामा बसेकी आरती र छोरी रियामाथि सञ्जिवले ०७७ कार्तिक २७ मा एसिड छ्यापेका थिए । घटना लगत्तै संजिवलाई प्रहरीले पक्राउ गरेको थियो । त्यसपछि संजिवले निखिल स्टोरबाट एसिड किनेको वयान दिएपछि प्रहरीले स्टोर संचालक नागेन्द्रलाई पनि पक्राउ गरेको थियो 

घटनापश्चात् सरकारी वकिलको कार्यालयले जिल्ला अदालत धनुषामा आरतीका श्रीमान र ए’सिड बेच्ने नागेन्द्र साहमाथि १५ वर्ष ६ महिनाको जेल सजाय माग गर्दै अभियोग पत्र दर्ता गराएको थियो। दुवै जनाविरुद्ध अंगभंग, कुरुप र एकीकृत कसुर गरी ३ कसुरको सजायका लागि मागदाबी गरिएको थियो। 

एसिड आक्रमणबाट आरतीको दाहिने आँखा गुम्नुका साथै घाँटी, छाती, स्तन लगायतका अंगमा गहिरो असर गरेको छ। ए सिड आक्रमणमा परी उनकी छोरी रियाको दाहिने हात र टाउकोमा दाग बसेको छ। 

जिल्ला अदालत धनुषाका सूचना अधिकारी मिश्रले अब सरकारी वकिल तथा कानून व्यवसायीबाट प्रतिवेदन आइसकेपछि सजायका लागि पेशी हुने जानकारी दिए।