छिमेक लघुवित्तको खुद नाफा १ अर्बभन्दा बढी

काठमाडौ/श्रावण २० गते।छिमेक लघुवित्त वित्तीय संस्था लिमिटेड (CBBL) ले गत आर्थिक वर्षको चौथो त्रैमाससम्मको अपरिष्कृत वित्तीय विवरण सार्वजनिक गरेको छ। विवरण अनुसार लघुवित्तको अधिकांश सूचकमा सन्तोषजनक सुधार देखिएको छ।

असार मसान्तसम्ममा लघुवित्तले १ अर्ब २१ करोड ५६ लाख रुपैयाँ खुद नाफा कमाएको छ। जुन अघिल्लो आर्थिक वर्षको सोही अवधिको तुलनामा ८७.२४ प्रतिशत बढी हो।

खुद ब्याज आम्दानी बढेसँगै खराब कर्जा उठाउन सफल भएका कारण लघुवित्तको खुद नाफा बढ्न पुगेको हो।

अघिल्लो वर्षभन्दा गत वर्ष कम्पनीको सञ्चालन नाफा ५१ दशमलव ८३ प्रतिशत बढी भएको हो ।

२२ प्रतिशत बोनस शेयर मार्फत चुक्तापूँजी बढाएर रू. १ अर्ब ८३ करोड पु¥याएको कम्पनीको जगेडा कोष रकम ८४ दशमलव २२ प्रतिशत बृद्धि भई रू. ३ अर्ब १२ करोड १५ लाख ३८ हजार कायम भएको छ । अघिल्लो वर्षभन्दा ५२ प्रतिशत बढी रू. ६२ अर्ब १० करोड ३ लाख ८ हजार कर्जा सापटी लिएको कम्पनीले २९ दशमलव ६१ प्रतिशत बढी रू. २५ अर्ब १० करोड ९८ लाख ७४ हजार कर्जा प्रवाह गरेको छ । अघिल्लो वर्षभन्दा गत वर्ष कम्पनीले २० प्रतिशत बढी रू. २२ अर्ब ४३ करोड ९३ लाख ७६ हजार निक्षेप संकलन गरेको छ । 

अघिल्लो वर्ष शून्य दशमलव ४५ प्रतिशत रहेको कम्पनीको निष्क्रिय कर्जा गत वर्ष बढेर शून्य दशमलव ६३ प्रतिशत कायम भएको छ । अघिल्लो वर्ष वार्षिक प्रतिशेयर आम्दानी रू. ४३ दशमलव २८ रहेको कम्पनीको गत वर्ष रू. ६६ दशमलव ४३ पुगेको छ । कम्पनीको प्रतिशेयर नेटवर्थ अघिल्लो वर्ष रू. २१२ दशमलव ९७ रहेकोमा गत वर्ष रू. २३१ दशमलव ८५ कायम भएको छ ।

समीक्षा अवधिमा लघुवित्तको खुद ब्याज आम्दानी १७.७५ प्रतिशत बढेको छ भने सञ्चालन मुनाफा ५१.८३ प्रतिशत बढेको छ। लघुवित्तले असार मसान्तसम्ममा सम्भावित जोखिम बापतको व्यवस्थामा ५१ करोड १२ लाख रुपैयाँ छुट्याएको छ भने ५७ करोड १३ लाख रुपैयाँ खराब कर्जा उठाएको छ।

समीक्षा अवधिमा लघुवित्तको चुक्ता पूँजी २२ बढेको छ भने जगेडा कोष ८४.२२ प्रतिशत बढेको छ। लघुवित्तको सापटी समीक्षा अवधिमा ५२.४२ प्रतिशत बढेको छ भने निक्षेप २०.२२ प्रतिशत र कर्जा २९.६१ प्रतिशत बढेको छ।

अघिल्लो आर्थिक वर्षको चौथो त्रैमासको तुलनामा गत आर्थिक वर्षको सोही अवधिसम्ममा लघुवित्तको प्रतिशेयर आम्दानी अर्थात ईपीएस २५ रुपैयाँ १५ पैसा बढेर ६६ रुपैयाँ ४३ पैसा कायम भएको छ। सो अवधिसम्ममा लघुवित्तको मूल्य आम्दानी अनुपात २६.१६ गुणा रहेको छ भने प्रतिशेयर नेटवर्थ २३१ रुपैयाँ ८५ पैसा रहेको छ।