विश्वकपमा सामाजिक सञ्जालका स्टार बनेका पाँच फुटबल खेलाडी

काठमाडौं/श्रावण २ गते। फिफा विश्वकप २०२६ धेरै कारणले चर्चाको बिषय बन्न पुगेको छ।

मैदानभित्रको उत्कृष्ट प्रदर्शन र मनमोहक व्यक्तित्वका कारण केही फुटबल खेलाडीहरूको सामाजिक सञ्जालमा फलोअर्सको संख्या ह्वात्तै बढेको छ। यसै सन्दर्भमा पाँच जना खेलाडीको भने सामाजिक सञ्जाल खातामा फ्लोअर्सको उभार देखिएको छ । ती चर्चित पाँच खेलाडीको बारेमा जानकारी दिने प्रयास गरिएको छ।

अर्लिङ हालान्ड (नर्वे) – उनको वास्तविक र कुनै बनावटीपन नभएको पोस्टिङ शैली जस्तै, ट्याक्सिडर्मी गरिएको र्याकुनको तस्बिर साझा गरेकाले पनि एक महिनाभित्रै उनको इन्स्टाग्राम फलोअर्सको संख्या झन्डै ३ करोडले बढाएको छ।

भोजिन्हा (केप भर्डे) – स्पेनविरुद्धको खेलमा ४० वर्षीय गोलकिपरले गरेको उत्कृष्ट बचाउका कारण उनको इन्स्टाग्राम फलोअर्सको संख्या ५ लाखबाट बढेर २ करोड ९० लाख भन्दा बढी पुगेको छ।

जुड बेलिङघम (इंग्ल्यान्ड) – मैदानमा प्राप्त सफलता र मानसिक स्वास्थ्यबारे खुला रूपमा गरेको चर्चाका कारण यी मिडफिल्डरका फलोअर्सको संख्या ह्वात्तै बढेर ५ करोडको विशाल आँकडामा पुगेको छ ।

लामिन यामाल (स्पेन) – बार्सिलोनाका १९ वर्षीय स्टार खेलाडीको स्वाभाविक पोस्टहरू र आफ्ना साना भाइसँगका मनमोहक क्षणहरू सेयर गरेका कारणले पनि फाइनल खेल अघि नै उनका फलोअर्सको संख्या झन्डै ५ करोड पुगेको छ ।

टिम पेन (न्युजिल्यान्ड) – अप्रत्याशित रूपमा भाइरल बनेका खेलाडी अर्जेन्टिनी इन्फ्लुएन्सरले मानिसहरूलाई उनलाई फलो गर्न आग्रह गर्दै अभियान चलाए पछि उनको फलोअर्सको संख्या ५ हजारभन्दा कमबाट बढेर ५८ लाख पुगेको छ ।