विश्वकपः १९८२ मा १.४ मिलियनको पुरस्कारबाट बढेर २०२६ मा पुग्यो ५० मिलियन डलर

काठमाडौं/श्रावण २ गते । फिफा विश्वकप विजेताले यस पटक ५० मिलियन अमेरिकन डलर पाउने भएका छन् ।

आइतवार राती हुने फाइनल खेलमा बिजेता हुने स्पेन या अर्जेन्टिनाले ५० मिलियन अमेरिकन डलर नगद पुरूस्कार पाउने छन् । यो अहिलेसम्मकै सबैभन्दा ठुलो राशीको खेलकुद पुरस्कार पनि हो । उपबिजेता टोली ३३.३ मिलियन डलर पाउने छन् ।

कतार विश्वकपमा बिजेता अर्जेन्टिनाले ४२.२ मिलियन डलर पाएको थियो भने कतार विश्वकपको भन्दा यसपटक ८ मिलियन बढी बिजेताले पुरस्कार पाउने छन । १९८२ को विश्वबिजेता इटालीले १.४ मिलियन डलर पुरस्कार स्वरूप पाएको थियो ।

यसअघि २०१८ को फ्रान्सले ३८.१ मिलियन डलर पुरस्कार पाएको थियो भने २०१४ मा जर्मनीले ३५.१ मिलियन डलर पाएको थियो । साथै, स्पेनले २०१० मा ३०.१ मिलियन डलर पुरस्कार लगेको थियो । यो पटक स्पेनले अर्जेन्टिनालाई हराउँदै बिजेता बनेमा २० मिलियन डलर बढी लानेछ ।

२००६ को विश्वकप बिजेता हुदाँ इटालीले १२.२ मिलियन डलर लगेको थियो भने  २००२ को विश्वबिजेता ८.५ मिलियन डलर, १९९८ मा फ्रान्सले ६.४ मिलियन डलर, १९९४ मा ब्राजिल ४.५ मिलियन डलर, १९९० मा पश्चिम जर्मनीले ३.५ मिलियन डलर, ९९८६ मा अर्जेन्टिनाले २.२ मिलियन डलर र १९८२ को विश्वबिजेता इटालीले १.४ मिलियन डलर पुरस्कार स्वरूप पाएको थियो ।