प्रियंका चोपडाका पति लुकीलुकी हेर्ने र पढने गर्छन बलिउडका गसिप

मुम्बई/असार ३२ गते। प्रियंका चोपडाले धेरै प्रेम सम्बन्धका लागि चिनिने एक बलिउड अभिनेताको अस्तित्वबारे संकेत गरेकी छिन् । जोनास ब्रदर्सको पोडकास्टमा उनले धेरै जनासँग प्रेम रहेका ती बलिउड व्यक्ति अर्थात अभिनेताको नाम खुलाउन भने अस्वीकार गरेकी छिन्।

उता, पछि निकले प्रियंकासँगको आफ्नो ८ वर्ष लामो वैवाहिक जीवनका फाइदाहरूबारे चर्चा पनि गरेका छन । र बलिउड कलाकारहरूबारे हुने गफगाफ वा चर्चा परिचर्चाका सम्बन्धमा आफ्ना केही विचारहरू पनि साझा गरेकी छिन् ।

खासमा प्रियंका चोपडा हाल एउटा पोडकास्टका कारण चर्चामा छिन्, जसमा उनले आफ्ना पति निक जोनास र जोनास ब्रदर्सको उपस्थितिमा एक बलिउड अभिनेताको कथित प्रेम सम्बन्धबारे खुलासा गर्ने प्रयास गरेकी थिइन् । उनले ती अभिनेताको नाम नलिए पनि ती अभिनेता ‘अतिरिक्त सबन्ध’हरूमा संलग्न रहेको उल्लेख भने गरेकी छिन्।

खासमा, निक जोनासले आफूलाई सेलिब्रेटीहरूसँग सम्बन्धित कथित प्रेम सम्बन्धका किस्साहरू सुन्न मन पर्ने कुरा बताइरहँदा यो प्रसंग निस्किएको थियो।

निक जोनसले भने, ‘मलाई इतर गतिविधि अर्थात् अतिरिक्त सम्बन्धसँग जोडिएका कुराहरू, समेटिएका कथाहरू मन पर्छन्।’ कसैको नाम नलिई उनले ती बलिउडकर्मीका सम्बन्ध बारे चलिरहेका हल्लाहरूतर्फ संकेत गरेका थिए। प्रियंकाले तुरुन्तै जवाफ दिइन्, ‘त्यो एक व्यक्ति जसका धेरै इतर सबन्धहरू रहेका छन्।’

जब उनका भिनाजु केभिन जोनासले प्रियंकालाई ती व्यक्ति अर्थात् ती अभिनेताको नाम खुलाउन आग्रह गरे तब उनले जवाफ दिइन्, ‘हामी खाजा खान बाहिर जाँदा म तिमीलाई नाम बताउनेछु।’ निक जोनासले प्रियंकासँगको वैवाहिक जीवनका फाइदाहरू बारे कुरा गरेपछि यो संवाद सुरु भएको थियो।

उनीहरूको ८ वर्ष लामो सम्बन्धमा आफूलाई सबैभन्दा बढी के कुरा मन पर्यो भनेर सोधिँदा उनले भने, ‘यी आठ वर्षमा मलाई सबैभन्दा मन परेको कुरा भनेको बलिउडका गफगाफ सुन्न पाउनु हो।’

त्यसपछि प्रियंका चोपडाले खुलासा गरिन् कि भारतका ठूला स्टारहरूमध्ये एक भए तापनि बलिउड सम्बन्धी सबैभन्दा बढी गफगाफ र किस्सा–कहानी निक लाई नै थाहा हुने गर्छ ।उनले भनिन्, ‘यो साँचो हो, कतिपय कुरा त मलाई पनि थाहा हुँदैन । जस्तै, कसको ब्रेकअप भयो भन्ने कुरा मलाई थाहा नहुन सक्छ, तर निकले नै मलाई सधैं यसबारे बताउने गर्छन् ।’

निक जोनासले यो पनि खुलासा गरे कि उनलाई बलिउडका गसिप सुन्न र यसबारे जान्न निकै मन पर्छ, त्यसैले उनी कतिपय सामाजिक सञ्जाल खाताहरू गोप्य रूपमा पछ्याउँछन्। यद्यपि, हाल उनी कसलाई पछ्याइरहेका छन् भनेर सोध्दा उनले नाम खुलाउन अस्वीकार गरे। निकले भने, ‘म नाम लिन सक्दिनँ। ती हाम्रा साथीहरू वा हामीले चिनेका मानिसहरू हुन्। म केही खाताहरू गोप्य रूपमा पछ्याउँछु अर्थात् म तिनमाथि केवल नजर राख्छु।’

व्यावसायिक रूपमा भन्नुपर्दा प्रियंका चोपडा अब सन् २०२७ मा प्रदर्शन हुने एसएस राजामौलीको चलचित्र ‘वाराणसी’ मा देखिने छिन्। यस चलचित्रमा उनीसँगै महेश बाबु र पृथ्वीराज सुकुमारनको पनि अभिनय रहनेछ। यो चलचित्र प्यान–इन्डिया चलचित्रका रूपमा हलहरूमा रिलिज हुनेछ।