धनुषा/चैत २८ गते । मधेसको भूमिबाट पहिलो पटक लियो क्लबको इतिहासमा महत्वपूर्ण उम्मेदवारी प्रस्तुत भएको छ। लियो जिल्ला परिषद ३२५ एफ को अध्यक्ष पदका लागि लियो आकाश साहले उम्मेदवारी घोषणा गर्दै नयाँ इतिहास रच्ने संकेत दिएका छन्।
लियो क्लबको करिब ५० वर्ष लामो इतिहासमा मधेसबाट जिल्ला प्रतिनिधित्व गर्ने अध्यक्ष पदमा करिब ४० वर्षपछि उम्मेदवारको रुपमा अगाडि आउनु आफैंमा ऐतिहासिक कदमका रूपमा हेरिएको छ। यसले मधेस क्षेत्रका युवाहरूमा नयाँ उत्साह र आशा जगाएको छ।
२०८३ वैशाख ५ गते काठमाडौंमा हुने चौथो जिल्ला लियो सम्मलेनबाट लियो डिस्टटिक काउन्सिल ३२५ एफ नेपालको अधिवेशनमा जनकपुरधामका लियो अकास साह, अध्यक्ष पदका उम्मेदवार छन् ।
लियो आकाश साह यसअघि सन् २०२५ मा लियो जिल्ला परिषद ३२५ एफ का उपाध्यक्षको जिम्मेवारी सफलतापूर्वक निर्वाह गरिसकेका अनुभवी र सक्रिय व्यक्तित्व हुन्। संगठनभित्रको उनको सक्रियता, नेतृत्व क्षमता र युवामाझको लोकप्रियताले उनलाई बलियो दाबेदारका रूपमा उभ्याएको छ।
लियो डिस्टिक काउन्सिल ३२५ एफ नेपालमा आबध्द रही लामो समयदेखि सक्रिय रहँदै आएको मा गतवर्षको सम्मेलनबाट उपाध्यक्ष पदमा निर्वाचित भएका थिए। यसपटक भने उनी अध्यक्ष पदका लागि उम्मेदवार हुँदा, “आफु जित्नेमा विश्वस्त रहेको लियो अकास साह बताउँछन्। उनका अनुसार हामी ४१ वर्षपछि पछि फेरि शाख जोगाउन तत्पर छौं।
उनको उम्मेदवारीले मधेसका युवाहरूको प्रतिनिधित्व सुनिश्चित गर्ने मात्र होइन, लियो क्लबभित्र समावेशी नेतृत्वको आवश्यकता समेत उजागर गरेको छ। साहले आफ्नो उम्मेदवारीमार्फत युवाको क्षमता विकास, सामाजिक सेवामा सक्रियता र संगठनलाई अझ सशक्त बनाउने लक्ष्य लिएको बताएका छन्।
उनको उम्मेदवारीप्रति विभिन्न क्षेत्रबाट समर्थन बढ्दै गएको छ। यदि उनी निर्वाचित भएमा मधेसबाट लियो क्लबको नेतृत्वमा नयाँ अध्याय सुरु हुने विश्वास गरिएको छ।
Discussion about this post