जनकपुरधाम/मंसिर ५ गते । आर्थिक वर्ष २०८१/८२ मा मधेश प्रदेशभर कार्यान्वयन भएका विभिन्न स्वास्थ्य कार्यक्रमहरूको प्रदेश–स्तरीय वार्षिक समीक्षा गोष्ठी जनकपुरधाममा सुरु भएको छ । तीन दिनसम्म चल्ने गोष्ठी आजदेखि सुरु भएको आयोजकले जनाएको छ।
गोष्ठीको उद्घाटन मधेश प्रदेशका मुख्यमन्त्री सरोज कुमार यादवले गरेका छन् । उद्घाटन समारोहलाई सम्बोधन गर्दै मुख्यमन्त्री यादवले यश प्रदेश–स्तरीय वार्षिक समीक्षा गोष्ठीमा तपाईहरुले बनाउनु भएको प्रस्तुतिकरणमा स्वास्थ्य क्षेत्रका कुन कुन सूचकांकहरुमा प्रगति भयो र कुन कुन सूचकांकमा पोरको भन्दा अवनति भयो त्यो डेटा आउन जरुरी रहेको बताए । यसै अनुसार अगाडीको योजना र बजेट बनाउदा सूचकांकहरु सकारात्मक हुने बताउनुभयो। साथै कार्यक्रमको सफलताको शुभकामना दिनुभयो ।
गोष्ठीमा प्रदेशभरका स्वास्थ्य संस्थाका प्रतिनिधि, स्वास्थ्य कर्मचारी, विशेषज्ञ तथा नीति–निर्माताहरूको सहभागिता रहेको छ। सहभागीहरूले प्रत्येक कार्यक्रमका उपलब्धि, कमजोरी, चुनौती तथा आगामी वर्षका प्राथमिकताबारे विस्तृत रूपमा छलफल गर्ने जनाइएको छ।
गोष्ठीमा स्वास्थ्य मन्त्रालयका सचिव ओमप्रसाद अर्याल, आठै जिल्लाका स्वास्थ्य कार्यालय प्रमुख तथा फोकल पर्सनसहितका स्वास्थ्यकर्मीहरूले सहभागिता जनाएका थिए।
Discussion about this post