गिरिजानन्द साह/जनकपुरधाम/फागुन २ गते। कम्प्युटर एसोसिएसन नेपाल (क्यान) महासंघ धनुषा शाखाले गरीब, दलित, अपाङ्ग, अल्पसंख्यक तथा जेहेन्दार विद्यार्थीहरुलाई लक्षित गरी ३ महिने निःशुल्क कम्प्युटर तालिम आयोजना गर्ने भएको छ।
जनकपुरधाममा शुक्रवार पत्रकार सम्मेलन गरी क्यानका अध्यक्ष विनय साहले सामाजिक उत्तरदायित्व अन्तर्गत जिल्लामा दक्ष जनशक्ति उत्पादन गर्ने उद्देश्यले ५१ जना योग्य विद्यार्थीहरुलाई आधारभूत कम्प्युटर तालिम प्रदान गर्न लागेको बताए ।अध्यक्ष साहका अनुसार धनुषाको १२ वटा कम्प्युटर इन्स्टिच्यूटमा निःशुल्क तालिम सञ्चालन गरिनेछ। फारम भर्ने समय २०८१ फागुन २ गतेदेखि २०८१ फागुन १८ गतेसम्म तोकिएको छ।
धनुषाको १२ वटा कम्प्यूटर इन्स्टिच्यूटमा विद्यार्थीहरुलाई निःशुल्क तालिमको व्यवस्था गरिएको छन् इच्छुक विद्यार्थीहरूले क्यान महासंघ धनुषा शाखाले तोकेका १२ वटा कम्प्यूटर इन्स्टिच्यूटमा मध्ये कुनै कम्प्युटर इन्स्टिच्युटमा,क्यान महासंघ धनुषा शाखाको सचिवालय वा अनलाइन माध्यमबाट फारम भर्न सक्नेछन्। छनौट प्रक्रिया अन्तर्वार्तामार्फत हुनेछ, जसको जानकारी फोन वा एसएमएसमार्फत गराइनेछ।
निःशुल्क कम्प्यूटर तालिमका लागि फारम भरेका मध्येबाट पहिलो चरणमा ५१लाई छनौट गरिने छ अध्यक्ष साहले भने ‘एउटा विद्यार्थीले पाँचवटा इन्ष्टिच्यूटलाई छनौट गर्न सकिने, पाँचवटा मध्येमा कुनमा कुन विद्यार्थीलाई पठाउने हो, त्यसको निर्णय क्यान महासंघ धनुषा शाखाले निर्णय गरिने बताएका छन् ।
क्यान महासंघ धनुषा शाखाले विद्यार्थीहरुको डिजिटल दक्षता अभिवृद्धि गर्ने उद्देश्यले यो तालिम आयोजना गरेको हो। तालिममा सहभागी हुन इच्छुक विद्यार्थीहरुलाई समयमै फारम भर्न तथा छनौट प्रक्रियामा सहभागी हुन आग्रह गरिएको छ।
तालिममा सहभागी हुन यो लिन्कमा क्लिक गर्नुहोस https://forms.gle/zGU65KkdjThBUGba9
Discussion about this post