छोरीको इन्गेजमेन्ट टुटे पछि प्रेममा बाँधिए सम्धि सम्धिनी, घटयाे डरलाग्दाे घटना

गुजरात,/माघ १७ गते।अहमदाबाद जिल्लाको विरमगाम सहरमा एउटा यस्तो घटना भएको छ, जसले सबैलाई चकित बनाएको छ । एक शिक्षकको सार्वजनिक रुपमा हत्या भएको छ भने  त्यसको भिडियो भाइरल हुनासाथ पुरै इलाकामा त्रास फैलिएको छ ।

प्रहरीले तुरुन्तै अनुसन्धान थाल्यो र सिसिटिभी फुटेज स्क्यान गरेपछि चकित पार्ने सत्य बाहिर आयो । खासमा हत्याको कारण कुनै दुश्मनी वा पैसा होइन, सम्धि र सम्धिनी बीचको अनौठो प्रेम सम्बन्ध थियो ।

यो कथा सामान्य पारिवारिक सम्बन्धबाट सुरु भएको हो। नरेशभाइ चावडा नामका शिक्षककी छोरीको डेढ वर्षअघि काला गोहिलका छोरासँग इन्गेजमेन्ट भएको थियो । दुई परिवारबीच राम्रो सम्बन्ध बन्यो । तर यसै क्रममा नरेशभाई र कला गोहिलकी श्रीमती हर्षबेनबीच मित्रता बढ्यो । बिस्तारै यो मित्रता प्रेममा परिणत भयो र दुबैले आफ्नो परिवारको परवाह नगरी सँगै बस्ने निर्णय गरे ।

यो सम्बन्धको बारेमा परिवारले थाहा पाएपछि छोराछोरीको इन्गेजमेन्ट रद्द गरियो। समाजको डरका बाबजुद नरेशभाई र हर्षबेनले सम्बन्धलाई निरन्तरता दिए र विरमगाममा घर भाडामा लिएर सँगै बस्न थाले । हर्षबेनका श्रीमान् काला गोहिललाई यो कुरा निकै नराम्रो लाग्यो । ऊनी रिसले भरिए अनि धेरै बेर केही बोलेन तर भित्रभित्रै बदलाको आगोले जलिरहेको भने थियो ।

अन्ततः, कला गोहिल र उनका दुई सहयोगीहरू अजित गोहिल र जेशाङ कटारियाले एक भयानक योजना बनाए। जनवरी २८ मा तीनै जना मिलेर नरेश भाईलाई घेरा हालेर निर्मम कुटपिट गर्न थाले । यो सम्पूर्ण घटना सीसीटीभी क्यामेरामा कैद भएको छ । भिडियोमा तीन जना अभियुक्तले नरेशभाईलाई सडकमा फालेका, लाठी र मुक्का प्रहार गरेको भिडियोमा स्पष्ट देखिन्छ । मानिसहरू दर्शक बने तर कसैले हस्तक्षेप भने गरेनन्।

नरेशभाईलाई गम्भीर चोट लागेपछि तत्कालै अस्पताल लगिएको थियो । तर चिकित्सकको प्रयास असफल भएपछि उपचारकै क्रममा उनको मृत्यु भयो । प्रहरीले हत्याको मुद्दा दर्ता गरी अभियुक्तको खोजी कार्य जारी राखेको छ ।