भदौ २६ गते। जनमत पार्टीको मिर्चैया नगरपालिकाको नगर अधिवेशन गरि नगर कमिटी गठन गर्नुपर्नेमा आफुखुसी कमिटी गठन गरेकोमा त्यस नगरका जनमत पार्टीका सम्पुर्ण नेता कार्यकर्ताहरुले बिरोध गरेका छ्न ।
पार्टीको केन्द्रिय सचिवालयले नगर कमिटी गठन गर्न अधिवेशन निर्देशिका पार्टीको बिधान भित्र रही प्रकाशन गरेको थियो। सो निर्देशिका अनुसार पहिलो चरणमा उम्मेदबारहरु बीच सहमति गराई समिति चयन गर्ने र यदि सहमति नभएमा पार्टीको अधिबेशन निर्देशिका अनुसार लोकतान्त्रिक प्रक्रियाबाट चुनाब (पार्टीले नाम प्रकाशन गरेका मतदाताहरु बीच हात उठाएर अथवा गोप्य मतदान) गराई समिति चयन गर्नुपर्ने थियो।
तर अधिवेशनका लागि पार्टीको सचिवालय बाट खटिएका पर्यवेक्षकहरु बिजय कुमार साह र प्रकाश महासेठ तथा पार्टीका कार्यकर्ता निर्मल मण्डलले पार्टीको नेता, कार्यकर्ता र जनता लाई गुमराह गरी अधिबेशन निर्देशिका बिपरित आफ्नो निर्देशन मान्ने मान्छेहरुलाई समितिमा चयन गर्न खोज्दा सोही कार्यक्रममा उपस्थित जनमत पार्टीका जनता,नेता कार्याकर्ताहरुले “जनता राज कायम गर “भन्ने नाराको साथ बिरोध जनाएको थियो।
जनमत पार्टीका नेता कार्याकर्ताहरुले बिरोध गरेपछि उक्त दिनको अधिवेशन पर्यवेक्षकहरुले स्थगित गरेका थिए । सोही अधिवेशनको बिषय लाई लिएर नगरपालिका भित्रका पार्टी कार्यकर्ता र नेताहरू लाई स्पष्टीकरणक नै नसोधी केन्द्रिय सचिवालयले तिन महिनाको लागी निलम्बन समेत गरेको थियो।
यसै क्रममा नगरपालिका भित्रका भारी बहुमत नेता कार्यकर्ता र जनताले अधिवेशन सम्बन्धमा सहि सत्य छानबिन गरि गलत गर्ने लाई कारबाही गर्न लिखित व्यहोरा पठाई माग समेत गरेको थियो। तर सो मागलाई सचिवालयले कुनै पनि प्रतिक्रिया नपठाई आफू खुशी समितिमा चयन गरी सपथ ग्रहण कार्यक्रम राखे पछि सिरहा मिर्चैया नगरपालिका जनमत पार्टीको सम्पूर्ण नेता कार्यकर्ता र जनताले घोर भर्त्सना गरेको प्रेस विज्ञप्तिमा उल्लेख छ ।
“मुखमा राम राम बगलीमा छुरा” भने झै यहाँ जनताराज नौलो गणतन्त्रको अबधारणा लाई र दुई तिहाई जनता, नेता कार्यकर्ता ,वडा अध्यक्षहरुको बहुमत समेतलाई लत्याई नेताराज को स्थापना गर्न खोजिएकोमा सिरहा जिल्लाको मिर्चैया नगरपालिका जनमत पार्टीको सम्पूर्ण नेता कार्यकर्ता र जनताले घोर भर्त्सना गर्दै केन्द्रीय सचिबालयले टिकाटालो प्रथाबाट पठाईएको समितिलाई पूर्ण रुपले बहिस्कार गरेको छ ।
Discussion about this post