गिरिजानन्द साह/जनकपुरधाम । जनकपुरधाममा स्थापना भएको लियो क्लब अफ जनकपुरधाममाको १० औं साधारणसभा सम्पन्न भएको छ।
होटल लिटिल मोरमा सम्पन्न साधारणसभामा लायन्स क्लब ईन्टरनेशनल डिसट्रिक्ट ३२५ एफ का पुर्व डिसट्रिक्ट गभर्नर लायन मधुकर उपाध्यायको प्रमुख आतिथ्यतामा सम्पन्न भएको हो। उक्त कार्यक्रममा विशिष्ट अतिथी लियो कलब अफ जनकपुरधामका २०२३-२४ का सल्लाहकार लायन दिपेन्द्र सिंह,लायन्स क्लब अफ जनकपुरधाममा पुर्व अध्यक्ष ऋषिकेश प्रसाद साह,विध्याकर प्रसाद साह,वर्तमान अध्यक्ष रमण प्रसाद साह,नव निर्वाचित अध्यक्ष सुशील सिंह,अध्यक्षिय सल्लाहकार डा. निर्माला साह लगायत सम्पूर्ण क्लबका सदस्य को उपस्थित रहेको थियो ।
साधारणसभामा वर्ष २०२३–२४ आय व्यय विवरण प्रस्तुत गरिएको थियो । जसमा वर्ष २०२३–२४ क्लबको कुल आय ३८१६८८ र कुल व्यय ४८३४५८ रहेको थियो। आय व्यय विवरण लियो जयन्त कदमियाले प्रस्तुत गरेको थियो। क्लबको लियो वर्ष २०२३–२४ का अध्यक्ष बिकाश साहको अध्यक्षतामा सम्पन्न कार्यक्रममा लायन्स क्लब ईन्टरनेशनल डिसट्रिक्ट ३२५ एफ का पुर्व डिसट्रिक्ट गभर्नर लायन मधुकर उपाध्याय, लियो क्लबका एडभाईजर दिपेन्द्र सिंह,लियो क्लब अफ जनकपुरधामका नि.वर्तमान अध्यक्ष लियो आकाश साहले आ–आफ्नो मन्तव्य राखेका थिए ।
साथै सभाबाट क्लबको आगामी लियो वर्ष २०२४/०२५ का लागी लियो रितिक सिंहको अध्यक्षतामा सर्वसम्मत नेतृत्व चयन गरिएको छ। जसको आइ पि पि लियो विकाश साह,फर्स्ट भि पि विकाश साह,सेकेन्ड भि पि जयन्त कदमिया,सेक्रेटरी लियो प्रविन कुमार महतो,जोइन्ट ट्रेसर लियो सत्यम भगत,ट्रेसर लियो राज साह,पि आर ओ लियो मनिशा साह,टेल ट्विस्टर लियो निकेत झा,वाईओ लियो शिवेन्द्र साह,तामेर लियो भवानी प्रसाद साह,फरिग्न रेलेशन अफिसर लियो वसन्त साह चयन भएका छन् ।
सभाका प्रमुख अतिथि मधुकर उपाध्यायले नयाँ नेतृत्वमा भएका सबै पदाधिकारी एवं सदस्यलाई बधाई सहित सफल कार्यकालको शुभकामना दिएका थिए।
Discussion about this post