गिरिजानन्द साह/जनकपुरधाम। ब्लड फर नेपाल धनुषा टीमले विश्व रक्तदाता स्वर्गीय अर्जुन प्रसाद मैनाली को आत्मा बैकुण्ठमा बास होस भन्ने कामना सहित दिप प्रज्वलन गरी श्रद्धाञ्जली अर्पण गरेका छन।
ब्लड फर नेपाल धनुषा टीमले जनकपुरधामको जनक चोक र महोत्तरीको किसाननगर प्राकृतिक स्रोत व्यवस्थापन कलेजको अगाडि दिप प्रज्वलन गरी श्रद्धाञ्जली अर्पण गरेका छन।
ब्लड फर नेपाल धनुषा टीम का संयोजक भवानी प्रसाद साह का अनुसार उक्त श्रद्धाञ्जली कार्यक्रममा ब्लड फर नेपाल धनुषा का सदस्य रुपेश झा, हरि महतो,मनीष कुमार ठाकुर ,संजय साह,इन्द्रजित सिंह र अजय यादवले पनि श्रद्धाञ्जली अर्पण गरि वहाँ को आत्मा को चिर शान्ति को कामना गरेका छ्न।
विभिन्न देशमा पुगेर २०५ पटक रक्तदान गरि सकेका उनको रगत समूह ओ पोजेटिभ थियो। मैनालीले ६ वटा महादेशका २० देशहरूमा पुगेर रक्तदान गरेका थिए। २०५ पटकमा उनले १ सय २ लिटर रगत दान गरेका थिए । उनले भारत, क्यानडा, बेलायत, बर्मुडा, मकाउ, आयरल्याण्ड, अष्ट्रेलिया, मलावी, इक्वेडर, हैटी, युगान्डा, थाइल्याण्ड, इथियोपिया, रुवान्डा, केन्या, अर्जेन्टिना, मेक्सिको र घानामा पनि रक्तदान गरेका छन्।
अमेरिकन रेडक्रसले उनलाई सन् २००९ मा ‘द गुड नेइबर’ सम्मान प्रदान गरेको थियोे । सोही वर्ष अमेरिकामा ब्लड डोनर्स अफ अमेरिका, सन् २०१४ मा इन्टरनेसनल नेप्लिज ब्लड डोनर्स र सन् २०१९ मा वर्ल्ड ब्लड डोनर अर्जुन मैनाली इनकर्पोरेसन स्थापना भएको थियो । वहाँको आकस्मिक निधन ले हामी एसबीआई रक्तदाता वर्क र यस क्षेत्र मा काम गर्ने सम्पुर्ण संस्थालाई मर्माहत बनाएको छ।

संयोजक भवानी साह का अनुसार विश्व रक्तदाता मैनालीको कामले हामी लाई धेरौ कुरा सिक्न र रगत व्यवस्थापन क्षेत्र मा काम गर्न र अघि बढ्न प्रेरित गरिरहने छ। वहाँले रक्तदानको क्षेत्रमा दिनु भएका योगदान हामी सम्झी रहने छौ उनले बताए।

















Discussion about this post