काठमाडौ/असार ६ गते । तराईका विभिन्न जिल्लाबाट आएका गाउँघरमा लेनदेन गर्नेहरूले काठमाडौंमा धर्ना दिएका छन्।
बुधवार पीडित लेनदेन संघर्ष समिति, मधेस प्रदेश अन्तरगत सप्तरी , सिरहा ,धनुषा , महाेतरि ,राेतहट, बारा ,पर्सा ,सर्लाही लगायत तराईका विभिन्न जिल्लाबाट आएका उनीहरूले काठमाडौंको माइतीघरमा धर्ना दिँदै प्रदर्शन गरेका हुन्।
परापूर्वकालदेखिको आपसी लेनदेनको व्यवहारलाई भताभुंग पार्न खोजिएको आरोप लगाउँदै आफूहरूमाथि कारबाही गर्न ल्याइएको अध्यादेश तत्काल खारेज गर्न सरकारसँग माग गरेका छन्।
आन्दोलितहरूले स्थानीय निकायमा जाँचबुझ गरी मात्र प्रमाणको आधारमा उजुरी दर्ता गरिनुपर्ने, हाल दर्ता गरिएका उजुरीलाई जाँचबुझ तथा छलफलका लागि स्थानीय सरकारलाई जिम्मा दिनुपर्ने, आफूहरूले दिएको पैसाको सावाँ र ब्याज उपलब्ध गराउनुपर्ने लगायतका माग राखी आन्दोलन गरेका छन्।
प्रदर्शनमा सहभागीहरूले लेनदेन कारोबार सहज गर्, अदालतमा कपाली तमसुकको मुद्दा दर्ता गर्, कानून बमोजिम गरिएको लगानी कानून बमोजिम फिर्ता गरियोस्, प्रहरी दमन बन्द गर् लगायतका प्लाकार्ड र ब्यानर बोकेर विरोध जनाएका छन्।
Discussion about this post