गर्मी मौसम सुरु भइसकेको छ। दिउँसोको गर्मी छल्न काठमाडौंमा दही खाने गरिएको छ। गर्मीमा मात्र नभएर विभिन्न पर्वसँग दहीको सम्बन्ध छ। दही मात्र नभएर दहीबाट बनाइएका परिकार गर्मी मौसममा निकै रुचाइन्छ। स्वास्थ्यको हिसाबले पनि गर्मी मौसममा भाँडोमा जमाएको दही खान उपयुक्त मानिन्छ, किनकी यसले शरीरलाई शितल बनाउँछ। त्यसकारण पनि गर्मीमा दहीको माग धेरै हुने व्यापारी बताउँछन्। पोषक तत्वले भरपूर माटोको भाँडोलाई प्राकृतिक माटोबाट बनाइएको हुन्छ । त्यसैले यसमा क्याल्सियम, आइरन तथा म्याग्नेसियम जस्ता कैयौं पोषक तत्वहरु पाइन्छन् । जब दही माटाको भाँडोमा जमाएर राखिन्छ तब सबै पोषक तत्वले दहीलाई अझै पौष्टिक बनाउँछन् ।
स्वादमा फरक
माटोको भाँडोमा जमाइएको दहीको स्वाद नै फरक हुन्छ । यो अन्य दहीभन्दा स्वादिष्ट हुन्छ । किनकी यसमा थोरै माटोको स्वाद पनि जोडिएको हुन्छ । त्यसो त दुग्धजन्य पदार्थहरू प्राकृतिक रूपमै एसिडिक हुन्छन् । तर, जब तपाईं माटोको भाँडो दही जमाउनुहुन्छ त्यसपछि यसको अम्लीयपनलाई सन्तुलित गर्न सजिलो हुन्छ ।
प्रोबायोटिक्सको मात्रा धेरै
माटोको भाँडोमा जमाएको दहीमा प्रोबायोटिक्सको मात्रा धेरै हुन्छ । प्रोबायोटिक्स आन्द्राको स्वास्थ्यका लागि स्वस्थकर ब्याक्टेरिया मानिन्छ जसले पाचन प्रक्रियालाई राम्रो बनाउँछ ।
त्यस्तै, रोग प्रतिरोधात्मक क्षमतालाई पनि बलियो बनाउँछ । यसबाहेक माटोको भाँडोमा जमाएको दहीमा पानीको मात्रा पनि कम हुन्छ । जसले गर्दा दही धेरै गाढा हुन्छ ।
Discussion about this post